വയനാട്ടില്‍ വീടിനു മുകളിലേക്ക് കാട്ടാന തെങ്ങ് മറിച്ചിട്ടുണ്ടായ അപകടത്തില്‍ യുവതിയ്ക്ക് പരിക്കേറ്റു. തൃശിലേരി മുത്തുമാരിയിലാണ് സംഭവം. ഇന്ന് പുലർച്ചെ രണ്ടര മണിയോടെയാണ് അക്രമാസക്തനായ കാട്ടാന തെങ്ങ് വീടിന് മുകളിലേക്ക് ചവിട്ടി മറിച്ചിട്ടത്. മേൽക്കൂരയും, തേങ്ങയും മറ്റും ദേഹത്ത് പതിച്ച് വീടിനുള്ളിൽ ഉറങ്ങിക്കിടക്കുകയായിരുന്ന യുവതിക്ക് പരിക്കേറ്റു.
ചെല്ലിമറ്റം ഷിനോജിൻ്റെ ഭാര്യ സോഫിക്കാണ് പരിക്കേറ്റത്. പരിക്കേറ്റ സോഫിയെ വയനാട് മെഡിക്കൽ കോളജിൽ പ്രവേശിപ്പിച്ചു. ഇവരുടെ കൂടെയുണ്ടായിരുന്ന കുട്ടിക്കും പരിക്കേറ്റിട്ടുണ്ട്. പറത്തോട്ടിയിൽ മോൻസിയുടെ വീട്ടിലാണ് സോഫിയും കുടുംബവും വാടകയ്ക്ക് താമസിച്ചു വരുന്നത്. തൃശിലേരിയിലെ വനം വകുപ്പ് അധികൃതർ സ്ഥലത്തെത്തി പ്രാഥമിക നടപടികൾ സ്വീകരിച്ചു.
English Summary: Elephant attack in Wayanad, woman injured
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.