കാഞ്ഞിരപ്പള്ളി അമല്ജ്യോതി എഞ്ചിനിയറിംഗ് കോളജ് വിദ്യാര്ത്ഥിനി ശ്രദ്ധ സതീഷിന്റെ മരണം സംബന്ധിച്ച് അന്വേഷിച്ച് അടിയന്തിരമായി വിശദറിപ്പോര്ട്ട് നല്കാന് ഉന്നത വിദ്യാഭ്യാസ മന്ത്രി ഡോ ആര് ബിന്ദുവിന്റെ നിര്ദ്ദേശം .
ഉന്നത വിദ്യാഭ്യാസ പ്രിന്സിപ്പല് സെക്രട്ടറി ഇഷിതാ റോയിക്കാണ് നിര്ദ്ദേശം നല്കിയത്.വകുപ്പ് മേധാവിയടക്കമുള്ള കോളജ് അധ്യാപകരുടെ മാനസീക പീഡനമാണ് ശ്രദ്ധ തൂങ്ങിമരിക്കാന് കാരണമെന്ന് കുടുംബം ആരോപിച്ചിരുന്നു. പെണ്കുട്ടിയെ ആശുപത്രയിലെത്തിക്കുന്നതില് കോളേജ് അധികൃതര് മനപൂര്വമായ വീഴ്ച വരുത്തിയെന്നും പറയുന്നു.
തൃപ്പൂണിത്തുറ തിരുവാങ്കുളം സ്വദേശിയാണ് ശ്രദ്ധ വെള്ളിയാഴ്ച രാത്രിയാണ് കോളേജ് ഹോസ്റ്റലിൽ ആത്മഹത്യയ്ക്ക് ശ്രമിച്ചത്. എന്നാൽ കുട്ടി തലകറങ്ങി വീണതാണ് എന്നാണ് കോളേജ് അധികൃതർ ഡോക്ടറോട് പറഞ്ഞത്. ആത്മഹത്യാശ്രമമാണ് എന്ന് പറഞ്ഞിരുന്നെങ്കിൽ ആ സാഹചര്യം അനുസരിച്ചുള്ള ചികിത്സ ലഭിച്ചേനേയെന്നും ശ്രദ്ധയുടെ ബന്ധു പറഞ്ഞു.
കോളേജിലെ ലാബില് ഉപയോഗിച്ച മൊബൈല് ഫോൺ അധ്യാപകര് പിടിച്ചെടുത്തിരുന്നു.അന്ന് രാത്രി ഒമ്പതോടെ കോളജ് ഹോസ്റ്റലിലെ ഫാനിൽ തൂങ്ങിയ നിലയിൽ കണ്ടെത്തിയ ശ്രദ്ധയെ തന്നെ ആശുപത്രിയിൽ എത്തിച്ചെങ്കിലും രക്ഷിക്കാനായില്ല.
ശ്രദ്ധയുടെ മരണത്തില് കാഞ്ഞിരപ്പള്ളി അമല് ജ്യോതി കോളേജില് വിദ്യാര്ത്ഥികള് പ്രതിഷേധം തുടങ്ങി. ശ്രദ്ധയുടെ മരണത്തിന് ഉത്തരവാദികളായവര്ക്കെതിരെ നടപടി ആവശ്യപ്പെട്ടാണ് വിദ്യാര്ത്ഥികള് ക്യാമ്പസിനുള്ളില് പ്രതിഷേധിക്കുന്നത്
English Summary:
Engineering student Shraddha Satish’s death: Higher Education Minister seeks urgent report
You may also like this video:
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.