കൊച്ചി കപ്പൽശാലയിലെ പ്രധാനവിവരങ്ങൾ ചോർത്തിയ സംഭവത്തിൽ ഒരു കരാർ ജീവനക്കാരനെ എന്ഐഎ കസ്റ്റഡിയിൽ എടുത്തു. കപ്പൽശാലയിൽ എത്തിയ ഹൈദരാബാദ് എന്ഐഎ യൂണിറ്റ് വിവിധ രേഖകൾ പരിശോധിച്ചു. പ്രതിരോധ കപ്പലുകളുടെ വിവരങ്ങള് ജീവനക്കാരനില് നിന്നും ചോര്ന്നതായി സംശയിക്കപ്പെട്ടിരുന്നു. ഇതിന്റെ അടിസ്ഥാനത്തിലായിരുന്നു പരിശോധന.
കപ്പല്ശാലയിലെ പരിശോധനയ്ക്ക് ശേഷം ജീവനക്കാര് താമസിക്കുന്ന ക്വാര്ട്ടേഴ്സിലും സംഘം പരിശോധന നടത്തി. രണ്ട് വര്ഷം മുമ്പ് ഒരു അഫ്ഗാന് പൗരന് അസം സ്വദേശിയെന്ന വ്യാജേന കൊച്ചി കപ്പല്ശാലയില് ജോലി ചെയ്ത കേസും എന്ഐഎയാണ് അന്വേഷിക്കുന്നത്. ഇയാള് പ്രതിരോധ വിവരങ്ങള് മറ്റ് രാജ്യങ്ങള്ക്ക് കൈമാറിയെന്നാണ് സംശയിക്കപ്പെടുന്നത്.
സംസ്ഥാന പൊലീസ് ആദ്യം അന്വേഷിച്ച കേസ് പിന്നീട് എന്ഐഎ ഏറ്റെടുക്കുകയായിരുന്നു. ഈ കേസുമായും പുതിയ സംഭവങ്ങള്ക്ക് ബന്ധമുണ്ടോ എന്നും അന്വേഷണ സംഘം പരിശോധിക്കുന്നുണ്ട്. 2023 മാര്ച്ച് ഒന്ന് മുതല് ഡിസംബര് പത്ത് വരെയുള്ള കാലയളവില് എയ്ജല് പായല് എന്ന ഫേസ്ബുക്ക് പേജിലേക്ക് പ്രതിരോധ കപ്പലുകളുടെ അകത്തെ ദൃശ്യങ്ങള് അടക്കമുള്ള നിര്ണായക വിവരങ്ങള് കൈമാറിയെന്ന് എന്ഐഎ കണ്ടെത്തിയിട്ടുണ്ട്. ഈ കേസുമായി ബന്ധപ്പെട്ട് കപ്പല്ശാലയിലെ കരാര് തൊഴിലാളി ശ്രീനിഷ് പൂക്കോടിനെ 2023 ഡിസംബറില് പൊലീസ് അറസ്റ്റ് ചെയ്തിരുന്നു.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.