സെലൻസ്കി കൊല്ലപ്പെട്ടാലും ഉക്രെയ്നിൽ കൃത്യമായ പദ്ധതിയുണ്ട്: ആന്റണി ബ്ലിങ്കൺ

ഉക്രെയ്ൻ പ്രസിഡന്റ് വ്ളാദിമിർ സെലൻസ്കിയെ റഷ്യ വധിച്ചാലും ഭരണത്തുടർച്ച ഉറപ്പാക്കാൻ ഉക്രെയ്നിൽ കൃത്യമായ പദ്ധതി തയാറാണെന്നു യുഎസ് സ്റ്റേറ്റ് സെക്രട്ടറി ആന്റണി ബ്ലിങ്കൺ. മാധ്യമപ്രവർത്തക മാർഗരറ്റ് ബ്രണ്ണന്റെ ഫേസ് ദ് നേഷൻ എന്ന ടെലിവിഷൻ പരിപാടിയിൽ പ്രതികരിക്കുകയായിരുന്നു അദ്ദേഹം.താൻ ഒരു ദിവസം ഉക്രെയ്നിൽ ഉണ്ടായിരുന്നുവെന്നും ഉക്രെയ്ൻ വിദേശകാര്യ മന്ത്രി ദിമിത്രോ കുലേബയുമായി കൂടിക്കാഴ്ച നടത്തിയിരുന്നുവെന്നും അദ്ദേഹം പറഞ്ഞു.

വിശദാംശങ്ങൾ എല്ലാം ഇപ്പോൾ പറയാനാവില്ല. എങ്കിലും റഷ്യ സെലൻസ്കിയെ വധിച്ചാലും ഉക്രെയ്ൻ അത്ര പെട്ടെന്ന് അനാഥമാകുമെന്നു കരുതേണ്ടെന്ന് അദ്ദേഹം പറഞ്ഞു. 12 ദിവസം മുന്പ് റഷ്യയുടെ ഉക്രെയ്ൻ അധിനിവേശം ആരംഭിച്ചതിനു ശേഷം ഇതുവരെ മൂന്നു വധശ്രമങ്ങളെ സെലൻസ്കി അതിജീവിച്ചതായി റിപ്പോർട്ടുകൾ പറ‍യുന്നു.

eng­lish sum­ma­ry; Even if Selen­sky is killed, there is a def­i­nite plan in Ukraine: Antony Blinken

you may also like this video;