നടിയെ ആക്രമിച്ച കേസിലും അന്വേഷണ ഉദ്യോഗസ്ഥരെ വധിക്കാന്‍ പദ്ധതിയിട്ട സംഭവത്തിലും നടന്‍ ദിലീപിനെതിരെ സംവിധായകന്‍ ബാലചന്ദ്രകുമാര്‍ ക്രൈംബ്രാഞ്ചിന് തെളിവുകള്‍ കൈമാറി. ബാലചന്ദ്രകുമാറിനെ കളമശ്ശേരി ക്രൈംബ്രാഞ്ച് ഓഫീസില്‍ വിളിച്ചുവരുത്തിയാണ് അന്വേഷണ സംഘം മൊഴിയെടുത്തത്. ഫോണ്‍ റിക്കോര്‍ഡുകള്‍, മറ്റ് ഡിജിറ്റല്‍ തെളിവുകള്‍ സംവിധായകന്‍ അന്വേഷണ സംഘത്തിന് സംവിധായകന്‍ കൈമാറി. അതേസമയം ശബ്ദരേഖ ദിലീപിന്റെതല്ലെന്ന് അദ്ദേഹം പോലും നിഷേധിച്ചിട്ടില്ല.
സാക്ഷികളെ ദിലീപ് സ്വാധീനിക്കാന്‍ ശ്രമിച്ചിരുന്നതായുള്ള തെളിവുകളും അന്വേഷണ സംഘത്തിന് ലഭിച്ചിട്ടുണ്ട്. പൊലീസുമായി ചേർന്ന് താന്‍ ഗുഢാലോചന നടത്തുന്നുവെന്ന ആരോപണം തെറ്റാണെന്നും അന്വേഷണ ഉദ്യോഗസ്ഥരെ മുന്‍പ് കണ്ടിട്ടുണ്ടെങ്കില്‍ തെളിവ് ഹാജരാക്കണെന്ന് ബാലചന്ദ്രന്‍ പറഞ്ഞു. ദിലീപ് കേസ് അന്വേഷിച്ച പോലീസുകാരെ അപായപ്പെടുത്താൻ ശ്രമിച്ചിരുന്നതായി വിവരം ഉണ്ട്. പല സ്ഥലങ്ങളിലും ഇക്കാര്യം അദ്ദേഹം പറഞ്ഞിട്ടുണ്ട്. ജീവഭയം ഉള്ളതുകൊണ്ടാണ് മുൻപ് ഇക്കാര്യങ്ങൾ വ്യക്തമാക്കാതിരുന്നതെന്നും ബാലചന്ദ്രകുമാർ വെളിപ്പെടുത്തി.
ENGLISH SUMMARY:Evidence against Dileep handed over to Crime Branch: Balachandrakumar
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.