കായംകുളം എം എസ് എം കോളേജിലെ വ്യാജ സർട്ടിഫിക്കറ്റ് വിവാദം സർവകലാശാലയുടെ യശസിന് കളങ്കം ചാർത്തുന്നതാണെന്ന് കേരള സർവകലാശാല സിൻഡിക്കേറ്റ് അംഗം എ അജികുമാർ പറഞ്ഞു.
യു ജി സിയുടെ നാക് ടീമിന്റെ എ ഡബിൾ പ്ലസ് നേടിയ കേരളത്തിലെ ആദ്യ സർവകലാശാലയാണ് കേരള യൂണിവേഴ്സിറ്റി. കൂടാതെ എൻ ഐ ആർ എഫിന്റെ ഇരുപത്തി നാലാമത്തെ റാങ്കും സർവകലാശാലക്ക് ലഭിച്ചു. കായംകുളം എം എസ് എം കോളേജിൽ ബിരുദ കോഴ്സ് പൂർത്തിയാക്കാത്ത നിഖിൽ തോമസ് എന്ന വിദ്യാർത്ഥി അതെ കാലയളവിൽ മറ്റൊരു സർവകലാശാലയുടെ ബിരുദ സർട്ടിഫിക്കറ്റുമായി വന്നപ്പോൾ ബിരുദാനന്ദര കോഴ്സിന് പ്രവേശനം നൽകിയത് ഗുരുതരമായ വീഴ്ചയാണ്.
അതെ ഡിപ്പാർട്ട്മെന്റിലെ അധ്യാപകർ അഡ്മിഷന്റെ ചുമതല വഹിച്ചപ്പോൾ പോലും വിദ്യാർത്ഥി നേതാവ് കൂടിയായ നിഖിൽ തോമസിനെ തിരിച്ചറിയാൻ കഴിഞ്ഞില്ലെന്നത് വിശ്വസനീയമല്ല.
27 ന് ചേരുന്ന സിൻഡിക്കേറ്റ് യോഗം വിഷയം ചർച്ച ചെയ്യുകയും ഉത്തരവാദികൾക്കെതിരെ ശക്തമായ നടപടി സ്വീകരിക്കുകയും ചെയ്യും.
ഇത്തരക്കാർ എങ്ങനെ നേതൃത്വത്തിൽ എത്തുന്നു എന്നത് ബന്ധപ്പെട്ട വിദ്യാർത്ഥി പ്രസ്ഥാനം ആത്‍മപരിശോധന നടത്തണമെന്നും അദ്ദേഹം പ്രസ്താവനയിൽ പറഞ്ഞു.
English Summary: Fake certificate controversy tarnishes reputation of university: Kerala University Syndicate Member A Ajikumar
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.