കണ്ണൂരില് മലപ്പട്ടം പഞ്ചായത്തിൽ ഒരു വാർഡ് കൂടി എൽ ഡി എഫിന് അനുകൂലമായി. മലപ്പട്ടത്തെ കൊവുന്തല വാർഡാണ് എതിരില്ലാതെ എൽ ഡി എഫ് നേടിയത്. യു ഡി എഫ് സ്ഥാനാർത്ഥിയുടെ പത്രികയിൽ നൽകിയ ഒപ്പ് വ്യാജമാണെന്ന് കണ്ടെത്തിയതിനെത്തുടർന്ന് വരണാധികാരി പത്രിക തള്ളുകയായിരുന്നു. ഇതോടെ ഈ വാർഡിൽ മത്സരിച്ച ഇടതുപക്ഷ സ്ഥാനാർത്ഥി എം വി ഷിഗിനയെ വിജയിയായി പ്രഖ്യാപിക്കും. നിലവിൽ, സ്ഥാനാർത്ഥികൾ എതിരില്ലാതെ തിരഞ്ഞെടുക്കപ്പെട്ടതോടെ മലപ്പട്ടം പഞ്ചായത്തിൽ മാത്രം മൂന്ന് വാർഡുകളാണ് എൽ ഡി എഫ് നേടിയിരിക്കുന്നത്. ഇതിനുപുറമെ, കണ്ണപുരം പഞ്ചായത്തിലെ പത്താം വാർഡിലും എൽ ഡി എഫ് എതിരില്ലാതെ തിരഞ്ഞെടുക്കപ്പെട്ടിട്ടുണ്ട്.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.