തെലങ്കാനയിലെ സെക്കന്ദരാബാദില് നാലംഗ കുടുംബത്തെ മരിച്ച നിലയില് കണ്ടെത്തി. ഒസ്മാനിയ പൊലീസ് സ്റ്റേഷന് പരിധിയിലുള്ള ഹബ്സിഗുഡയിലെ രവീന്ദ്ര നഗര് കോളനിയിലാണ് സംഭവം നടന്നത്. ചന്ദ്രശേഖര് റെഡ്ഡി (44), ഭാര്യ കവിത (35) മക്കളായ ശ്രിത റെഡ്ഡി (15), വിശ്വന് റെഡ്ഡി (10) എന്നിവരാണ് മരിച്ചത്. കടുത്ത സാമ്പത്തിക ബുദ്ധിമുട്ടുകളെ തുടര്ന്ന് കുട്ടികളെ കൊലപ്പെടുത്തിയ ശേഷം ദമ്പതികള് ജീവനൊടുക്കുകയായിരുന്നു. ചന്ദ്രശേഖര് റെഡ്ഡിയെ മരിച്ചനിലയില് കണ്ടെത്തിയ മുറിയില് നിന്ന് ആത്മഹത്യാ കുറിപ്പ് ലഭിച്ചു. മാനസികവും സാമ്പത്തികവും ശാരീരികവുമായി നേരിട്ടിരുന്ന ബുദ്ധിമുട്ടുകളെ പറ്റി കുറിപ്പില് വ്യക്തമാക്കിയിരുന്നതായി പൊലീസ് പറഞ്ഞു. സംഭവത്തില് അസ്വാഭാവിക മരണത്തിന് പൊലീസ് കേസെടുത്തിട്ടുണ്ട്. മൃതദേഹങ്ങള് പോസ്റ്റ്മോര്ട്ടം നടപടികള്ക്കായി ഗാന്ധി ആശുപത്രിയിലേക്ക് മാറ്റി.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.