സൗത്ത് ഡൽഹിയിലെ നെബ് സറായിയിൽ മൂന്നംഗ കുടുംബത്തെ കുത്തേറ്റ് മരിച്ച നിലയിൽ കണ്ടെത്തി. രാജേഷ്(53), ഭാര്യ കോമൾ(47), മകൾ കവിത(23)എന്നിവരാണ് കൊല്ലപ്പെട്ടത്. ദമ്പതികളുടെ മകൻ പ്രഭാത നടത്തത്തിന് പോയിരിക്കുകയായതിനാൽ രക്ഷപ്പെട്ടു.
മകൻ തിരിച്ചെത്തിയപ്പോഴാണ് മാതാപിതാക്കളെയും സഹോദരിയെയും കുത്തേറ്റ് മരിച്ച നിലയിൽ കണ്ടെത്തിയത്. വിവരം ലഭിച്ചയുടൻ പൊലീസ് സംഘം സംഭവ സ്ഥലത്തേക്ക് എത്തി. വീട്ടിൽ കവർച്ചയോ അടിപിടിയോ നടന്നതിന്റെ സൂചനകളില്ലെന്നു പൊലീസ് പറഞ്ഞു. വലിയ ശബ്ദം കേട്ടാണ് വീട്ടിലെത്തിയതെന്ന് അയൽപക്കത്ത് താമസിക്കുന്നവരും മൊഴി നൽകിയിട്ടുണ്ട്.
വീട്ടിലെത്തിയപ്പോഴാണ് താൻ പ്രഭാത നടത്തത്തിന് പോയിരിക്കുകയായിരുന്നുവെന്നും തിരിച്ചെത്തിയപ്പോൾ കണ്ടത് ഇതാണെന്നും മകൻ അയൽക്കാരോട് പറഞ്ഞു. അന്ന് മാതാപിതാക്കളുടെ വിവാഹ വാർഷികദിനമായിരുന്നുവെന്നും ആശംസ അറിയിച്ചിട്ടാണ് താൻ നടക്കാൻ പോയതെന്നും മകൻ പറഞ്ഞതായും അയൽക്കാരിലൊരാൾ വ്യക്തമാക്കി.
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.