ഉരുൾദുരന്തത്തിൽ വിറങ്ങലിച്ച് നിൽക്കുന്ന വയനാട്ടിൽ വീണ്ടും ആശങ്ക സൃഷ്ടിച്ച് ഭൂമിക്കടിയിൽ ഉഗ്രശബ്ദവും തുടർ പ്രകമ്പനവും. കോഴിക്കോട്, പാലക്കാട് ജില്ലകളുടെ ചില പ്രദേശങ്ങളിലും സമാനമായ പ്രകമ്പനങ്ങളുണ്ടായി. ഭൂമിക്കടിയില് നിന്ന് ഇടിമുഴക്കം പോലെയുള്ള ശബ്ദവും പ്രകമ്പനവും ഉണ്ടായതായാണ് വിവിധ പ്രദേശവാസികള് പറഞ്ഞത്. എന്നാല് ഇത് ഭൂചലനമല്ലെന്നും ഭൂമിക്കടിയിലെ മണ്പാളികളിലുണ്ടായ ഘര്ഷണമാകാമെന്നുമാണ് വിദഗ്ധര് വിലയിരുത്തുന്നത്.
വയനാട്ടില് എടയ്ക്കൽ ഗുഹ സ്ഥിതി ചെയ്യുന്ന അമ്പുകുത്തിമല, അമ്പലവയൽ വില്ലേജിലെ റീജ്യണൽ അഗ്രകൾച്ചറൽ റിസര്ച്ച് സ്റ്റേഷൻ, മാങ്കൊമ്പ്, പടിപ്പറമ്പ്, വൈത്തിരി താലൂക്കിലെ സുഗന്ധഗിരി, അച്ചൂരാൻ വില്ലേജിലെ സേട്ടുകുന്ന്, വെങ്ങപ്പള്ളി വില്ലേജിലെ കാരാറ്റപിടി, മൈലാടിപ്പടി, ചോലപ്പുറം, തെക്കുംതറ ഭാഗങ്ങളിലാണ് ശബ്ദവും മുഴക്കവും അനുഭവപ്പെട്ടത്. ഉടൻതന്നെ ജില്ലാ ഭരണകൂടം ഇടപെട്ട് ആളുകളെ മാറ്റുകയും സ്കൂളുകൾക്ക് അവധി നൽകുകയും ചെയ്തു.
English Summary: Fear again in Wayanad: Violent noise and vibration underground; Palakkad and Kozhikode districts are buzzing
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.