പവർ ലിഫ്റ്റിങ്ങിൽ 84 പ്ലസ് വിഭാഗത്തിൽ സ്വർണം നേടി ആർ എസ് ഗൗരീകൃഷ്ണ. വഴുതക്കാട് കോട്ടൺഹിൽ എച്ച്എസ്എസിലെ പ്ലസ് ടു വിദ്യാർത്ഥിനിയായ ഗൗരികൃഷ്ണ സെൻട്രൽ സ്റ്റേഡിയത്തിലെ സ്പോർട്സ് കൗൺസിലിന്റെ ജിമ്മിലാണ് പരിശീലനം നടത്തിയത്. കഴിഞ്ഞ തവണത്തെ സ്കൂൾ സ്പോർട്സ് മീറ്റിലും ഇതേ വിഭാഗത്തിൽ ഗൗരികൃഷ്ണ സ്വർണം നേടിയിരുന്നു. കൂടാതെ ഈ വർഷം നടന്ന ദേശീയ പവർലി ഫ്റ്റിങ് ചാമ്പ്യൻഷിപ്പിൽ വെള്ളിയും കഴിഞ്ഞ വർഷം വെങ്കലവും ഗൗരി സ്വന്തമാക്കിയിരുന്നു. 14-ാം വയസു മുതൽ കോച്ച് ജോസ് വിയുടെ ശിക്ഷണത്തിലാണ് ഗൗരി മത്സരങ്ങളിൽ പങ്കെടുക്കുന്നത്. തിരുവനന്തപുരം വഴുതക്കാട് സ്വദേശികളായ പി കെ രാധാകൃഷ്ണൻ‑കെ ആർ ഷീജ ദാമ്പതികളുടെ മൂത്ത മകളാണ് ഗൗരികൃഷ്ണ.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.