അതിസുരക്ഷാ മേഖലയായ കടപ്പുറം തൊട്ടാപ്പ് ലൈറ്റ് ഹൗസിന് മുകളിൽ കയറി റീൽസ് ചിത്രീകരിക്കുന്നതിനിടെ ഗുണ്ട് പൊട്ടിച്ച് യുവാവിന് ഗുരുതര പരിക്ക്. ചാവക്കാട് മടപ്പേൻ സ്വദേശി സൽമാൻ ഫാരിസിൻ്റെ(26) വലത് കൈപ്പത്തിയാണ് അപകടത്തിൽ തകർന്നത്. ഞായറാഴ്ച വൈകീട്ടാണ് സംഭവം. പരിക്കേറ്റ ഫാരിസിനെ തൃശൂരിലെ സ്വകാര്യ ആശുപത്രിയിൽ പ്രവേശിപ്പിച്ചു.
ലൈറ്റ് ഹൗസ് സന്ദർശിക്കാനെത്തിയ സൽമാൻ ഫാരിസും സുഹൃത്തുക്കളും റീൽസ് എടുക്കുന്നതിനിടെയാണ് ഗുണ്ട് പൊട്ടിച്ചത്. ലൈറ്റ് ഹൗസിന് മുകളിൽനിന്ന് വലിയ ശബ്ദം കേട്ടതോടെ പരിഭ്രാന്തരായ നാട്ടുകാർ വിവരമറിയിച്ചതിനെ തുടർന്ന് പൊലീസും ഉദ്യോഗസ്ഥരും സ്ഥലത്തെത്തി. എന്നാൽ, അതിനോടകം പരിക്കേറ്റ യുവാവുമായി കൂടെയുണ്ടായിരുന്നവർ ആശുപത്രിയിലേക്ക് പോയിരുന്നു. സംഭവത്തെക്കുറിച്ച് ചാവക്കാട് പൊലീസ് അന്വേഷണം ആരംഭിച്ചു.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.