അഹ്മദാബാദിലെ ആശുപത്രിയിൽ തീപ്പിടിത്തം; 125 രോഗികളെ ഒഴിപ്പിച്ചു

ഗുജറാത്തിലെ അഹ്മദാബാദ് നഗരത്തിലെ 10 നിലയുള്ള രാ​ജസ്ഥാൻ ആശുപത്രിയിൽ തീപ്പിടിത്തം. തുടർന്ന് 125 രോഗികളെ അടിയന്തരമായി ഒഴിപ്പിച്ചു. ഇവരെ മറ്റ് ആശുപത്രികളിലേക്ക് മാറ്റി. ആളപായം ഉണ്ടായതായി റിപ്പോർട്ടില്ല.

നവീകരണത്തിന്റെ ഭാഗമായി ആശുപത്രിയിലെ പല സാധനങ്ങളും കെട്ടിടത്തിന്റെ ഏറ്റവും താഴെയുള്ള നിലയിലാണ് സൂക്ഷിച്ചിരുന്നത്. ഇവിടെയാണ് തീപ്പിടിത്തമുണ്ടായത്. ഞായറാഴ്ച പുലർച്ചെ 4.30 ഓടെയാണ് ഈ ഭാഗത്ത് നിന്ന് പുക ഉയരുന്നത് ആളുകളുടെ ശ്രദ്ധയിൽ പെട്ടത്. തുടർന്ന് അഗ്നിശമന സേന സ്ഥല​ത്തെത്തി തീയണച്ചു. ചാരിറ്റബിൾ ട്രസ്റ്റ് ആണ് ​ആശുപത്രി നടത്തുന്നത്.

eng­lish sum­ma­ry; Fire breaks out in hos­pi­tal in Ahmed­abad; 125 patients were evacuated

you may also like this video;