വിദേശ നാണ്യ കരുതൽ ശേഖരം കുറഞ്ഞു

ഇന്ത്യയുടെ വിദേശ നാണ്യ കരുതൽ ശേഖരം 325 മില്യൺ ഡോളർ കുറഞ്ഞ് 560.942 ബില്യൺ ഡോളറായി. മൂന്നുമാസത്തെ ഏറ്റവും കുറഞ്ഞനിലയാണ് രേഖപ്പെടുത്തിയിരിക്കുന്നത്. തൊട്ടു മുൻപുള്ള വാരത്തിൽ കരുതൽ ശേഖരം 5.68 ബില്യൺ ഡോളര്‍ കുറഞ്ഞ് 561.267 ബില്യണിലെത്തിയിരുന്നു. 2021 ഒക്ടോബറിൽ വിദേശ നാണയ കരുതൽ ശേഖരം എക്കാലത്തെയും ഉയർന്ന 645 ബില്യൺ ഡോളറിലെത്തിയിരുന്നു.

ആർബിഐ പുറത്തുവിട്ട പ്രതിവാര കണക്കുകൾ പ്രകാരം വിദേശ കറൻസി ആസ്തി 166 മില്യൺ ഡോളർ കുറഞ്ഞ് 495.906 ബില്യൺ ഡോളറിലെത്തി. യുഎസ് ഇതര കറൻസികളായ യൂറോ, പൗണ്ട്, യെൻ മുതലായവയുടെ മൂല്യമാണ് വിദേശ കറൻസി ആസ്തികൾ. സ്വർണ ശേഖരവും തുടർച്ചയായ നാലാം ആഴ്ചയും കുറഞ്ഞു. ഇത്തവണ 66 മില്യൺ ഡോളര്‍ കുറഞ്ഞ് 41.751 ബില്യൺ ഡോളറിലെത്തി.

Eng­lish Sum­ma­ry: for­eign exchange reserves
You may also like this video