സുപ്രീംകോടതി മുന് ജഡ്ജി ജസ്റ്റീസ് ബി സുദര്ശന് റെഡ്ഡിയെ ഇന്ത്യാ സഖ്യത്തിന്റെ ഉപരാഷ്ട്രപതി സ്ഥാനാര്ത്ഥിയായി പ്രഖ്യാപിച്ചു. ഗോവയിലെ ആദ്യത്തെ ലോകായുക്തയും കൂടിയായിരുന്നു സുദര്ശന് റെഡ്ഡി. സി പിരാധാകൃഷ്ണനാണ് എന്ഡിഎ സ്ഥാനാര്ഥി. അടുത്ത മാസം ഒമ്പതിനാണ് ഉപരാഷ്ട്രപതി തിരഞ്ഞെടുപ്പ്.
ബി സുദര്ശന് റെഡ്ഡി 1971 ഡിസംബര് 27‑ന് ആന്ധ്രാപ്രദേശ് ബാര് കൗണ്സിലിന് കീഴില് ഹൈദരാബാദില് അഭിഭാഷകനായി എന്റോള് ചെയ്തു. ആന്ധ്രാപ്രദേശ് ഹൈക്കോടതിയില് റിട്ട്, സിവില് വിഷയങ്ങളില് പ്രാക്ടീസ് ചെയ്തു. 1988–90 കാലഘട്ടത്തില് ഹൈക്കോടതിയില് ഗവണ്മെന്റ് പ്ലീഡറായി സേവനമനുഷ്ഠിച്ചു. 1990‑ല് 6 മാസക്കാലം കേന്ദ്രസര്ക്കാരിന്റെ അഡീഷണല് സ്റ്റാന്ഡിംഗ് കോണ്സലായും പ്രവര്ത്തിച്ചു.
ഉസ്മാനിയ സര്വകലാശാലയുടെ ലീഗല് അഡൈ്വസറും സ്റ്റാന്ഡിംഗ് കോണ്സലുമായിരുന്നു. 1995‑ല്ആന്ധ്രാപ്രദേശ് ഹൈക്കോടതിയില് സ്ഥിരം ജഡ്ജിയായി നിയമിതനായി. 2005‑ല് ഗുവാഹത്തി ഹൈക്കോടതിയുടെ ചീഫ് ജസ്റ്റിസായി നിയമിതനായി. 2007‑ല് സുപ്രീം കോടതിയില് ജഡ്ജിയായി നിയമിതനായി അദ്ദേഹം 2011‑ന് വിരമിച്ചു.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.