തിരുവനന്തപുരത്ത് എക്സൈസ് നടത്തിയ പരിശോധനയില് മെത്താംഫിറ്റമിനുമായി നാല് യുവാക്കള് പിടിയില്. പള്ളിച്ചല് ഭാഗത്ത് നടത്തിയ പരിശോധനയിലാണ് തിരുവഞ്ചൂര് സ്വദേശികളായ അച്യുതന് നമ്പൂതിരി(26), വിഘ്നേഷ്(25), തൈക്കാട് സ്വദേശി അര്ജുന്(30), കൈതമുക്ക് സ്വദേശി ഉണ്ണികൃഷ്ണന്(27) എന്നിവർ നെയ്യാറ്റിന്കര എക്സൈസിന്റെ പിടിയിലായത്. ഇവര് ഉപയോഗിച്ച സ്കൂട്ടറും ഇവരുടെ നാല് മൊബൈല് ഫോണുകളും എക്സൈസ് പിടിച്ചെടുത്തിരുന്നു. നെയ്യാറ്റിന്കര എക്സൈസ് ഇന്സ്പെക്ടര് പ്രശാന്തിന്റെ നേതൃത്വത്തില് നടന്ന പരിശോധനയില് പ്രിവന്റീവ് ഓഫീസര് രതീഷ്, സിവില് എക്സൈസ് ഓഫീസര്മാരായ അനീഷ്, ലാല്കൃഷ്ണ, വിനോദ്, പ്രസന്നന്, അല്ത്താഫ്, അഖില്, വനിതാ സിവില് എക്സൈസ് ഓഫീസര് വിഷ്ണു ശ്രീ എന്നിവരും ഉണ്ടായിരുന്നു.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.