ഓണത്തിന് വയനാട് ദുരന്ത പ്രദേശത്തെ ആളുകള്ക്ക് സൗജന്യ ഭക്ഷ്യക്കിറ്റ് വിതരണം ചെയ്യുമെന്ന് മന്ത്രി ജി ആര് അനില്. ജനങ്ങള്ക്ക് പരമാവധി ആശ്വാസകരമായ നടപടികല് ഭക്ഷ്യ വകുപ്പിന്റെ ഭാഗത്ത് നിന്നുണ്ടാകും വയനാട് ദുരന്തം ആയതിനാല് ഓണം വിപണിയില് ആഘോഷപരിപാടികള് ഉണ്ടാകില്ല. സെപ്റ്റംബര് 5മുതല് 16വരെ ഓണം ഫെയര് നടക്കും. എല്ലാ സപ്ലൈകോ ഔട്ട്ലെറ്റുകളിലും സാധനങ്ങള് എത്തിച്ചു കഴിഞ്ഞു.
13 ഇന സാധനങ്ങളും ഉറപ്പാക്കി. ഓണ ഫെയര് സെപ്റ്റംബര് 5ന് മുഖ്യമന്ത്രി ഉദ്ഘാടനം നിര്വഹിക്കും. ജൈവ കാര്ഷിക ഇനങ്ങളും ഫെയറില് ഉള്പ്പെടുത്തും 300 കോടിയുടെ സാധനങ്ങൾക്ക് പർച്ചേസ് ഓർഡർ നൽകി. സപ്ലൈകോയിലെ പഞ്ചസാരക്ഷാമം പരിഹരിച്ചു കഴിഞ്ഞു. ഓണത്തിന് മുൻപ് 5 പുതിയ സപ്ലൈകോ ഔട്ട് ലെറ്റുകൾ തുറക്കും. 6 ലക്ഷത്തോളം വരുന്ന മഞ്ഞ കാർഡ് ഉടമകൾക്കും സൗജന്യ ഭക്ഷ്യക്കിറ്റ് നൽകും.
റേഷൻ കടകൾ വഴി ആണ് വിതരണം. ഈ മാസം 9 മുതൽ വിതരണം ആരംഭിക്കും. വെള്ള നീല കാർഡ് ഉടമകൾക്ക് 10 കിലോ അരി 10 രൂപ 90 പൈസ നിരക്കിൽ ലഭ്യമാക്കും. ഇത് മാർക്കറ്റിൽ 50 രൂപ വില വരുന്ന അരിയാണ്. തിരുവനന്തപുരത്തെ കോട്ടൂർ, കളിപ്പാംകുളം , അയിരൂപ്പാറ, കുടപ്പനമൂട്, തുടങ്ങിയ സ്ഥലങ്ങളിലാണ് സപ്പ്ളൈകോയുടെ പുതിയ ഔട്ട്ലെറ്റുകൾ ആരംഭിക്കുകയെന്നും മന്ത്രി ജി ആര് അനില് പറഞ്ഞു.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.