അമരവിള ചെക്പോസ്റ്റില് യാത്രക്കാരില് നിന്ന് ഒന്നരക്കോടി രൂപയുടെ സ്വര്ണ്ണാഭരണങ്ങള് പിടികൂടി.ഇന്നലെ വൈകിട്ട് നാഗര്കോവിലില് നിന്നും തിരുവനന്തപുരത്തേക്ക് വരികയായിരുന്ന കെ.എസ്.ആര്.ടി.സി ബസില് പരിശോധന നടത്തിയപ്പോഴാണ് 2.250 കിലോ ഗ്രാം കിലോ സ്വര്ണം പിടികൂടിയത്.ബസ് യാത്രക്കാരായ രണ്ട് പേരില് നിന്ന് മതിയായ രേഖകളില്ലാത്ത സ്വര്ണ്ണമാണ് പിടിച്ചെടുത്തത്.തൃശ്ശൂര് സ്വദേശികളായ ശരത്,ജിജോ എന്നിവരാണ് പിടിയിലായത്.
അസി. എക്സൈസ് ഇന്സ്പെക്ടര് ഡി.സന്തോഷിന്റെ നേതൃത്വത്തില് നടത്തിയ പരിശോധനയിലാണ് ആഭരണങ്ങള് പിടിച്ചെടുത്തത്.സിവില് എക്സൈസ് ഓഫീസര്മാരായ അനീഷ്.എസ്.എസ്, അരുണ് സേവ്യര്, ലാല്കൃഷ്ണ എന്നിവരും പരിശോധന നടത്തിയ സംഘത്തില് ഉണ്ടായിരുന്നു.പ്രതികളെ പിന്നീട് ജി.എസ്.ടി വകുപ്പിന് കൈമാറി.9 ലക്ഷം രൂപ പിഴയും ചുമത്തിയിട്ടുണ്ട്.
English Summary;Gold ornaments worth one and a half crores were seized from the bus passengers
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.