കുവൈറ്റിലെ ഇന്ത്യൻ പ്രവാസികൾ നേരിടുന്ന കോൺസുലർ സേവനങ്ങളുമായി ബന്ധപ്പെട്ട പരാതികൾക്കു പരിഹാരം കാണുന്നതിനായി ഇന്ത്യൻ എംബസി ‘ഓപ്പൺ ഹൗസ്’ സംഘടിപ്പിക്കുന്നു. ഇന്ന് 2025 ഡിസംബർ 29 തിങ്കളാഴ്ച ഉച്ചയ്ക്ക് 3 മണിക്ക് ഇന്ത്യൻ എംബസി ആസ്ഥാനത്താണ് പരിപാടി നടക്കുക. ഇന്ത്യൻ അംബാസഡറും മറ്റ് മുതിർന്ന കോൺസുലർ ഉദ്യോഗസ്ഥരും ഓപ്പൺ ഹൗസിൽ പങ്കെടുത്ത് പ്രവാസികളുമായി നേരിട്ട് സംവദിക്കും.
എംബസിയിൽ കെട്ടിക്കിടക്കുന്ന അപേക്ഷകൾ, പരാതികൾ, മറ്റ് കോൺസുലർ വിഷയങ്ങൾ എന്നിവ ഉദ്യോഗസ്ഥരുടെ ശ്രദ്ധയിൽപ്പെടുത്താൻ ഈ അവസരം വിനിയോഗിക്കാവുന്നതാണ്. അവരവരുടെ ജോലിസമയം ക്രമീകരിച്ചും ബന്ധപ്പെട്ട രേഖകളുമായും എംബസിയിൽ എത്തിച്ചേരാൻ പ്രവാസികളോട് എംബസി അഭ്യർത്ഥിച്ചു. പ്രവാസികൾ നേരിടുന്ന പ്രയാസങ്ങൾ നേരിട്ട് കേൾക്കാനും അവയ്ക്ക് വേഗത്തിൽ പരിഹാരം കണ്ടെത്താനും ലക്ഷ്യമിട്ടാണ് കുവൈറ്റിലെ ഇന്ത്യൻ എംബസി ഇത്തരം ഓപ്പൺ ഹൗസുകൾ സംഘടിപ്പിക്കുന്നത്.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.