തിരുവനന്തപുരം മൃഗശാലയിൽ പുതിയതായെത്തിച്ച ഹനുമാൻ കുരങ്ങ് പുറത്ത് ചാടി. പ്രദേശത്ത് ജാഗ്രതാ നിർദ്ദേശം നൽകി. ഇന്നലെ വൈകിട്ട് നാല് മണിയോടെയാണ് സംഭവം. പുതുതായി എത്തിച്ച മൃഗങ്ങളെ സന്ദർശകർക്ക് കാണാനുള്ള കൂട്ടിലേക്ക് മാറ്റുന്നതിനുള്ള പരീക്ഷണം നടത്തുന്നതിനിടെയാണ് സംഭവം. മറ്റന്നാൾ മുതല് കുരങ്ങിനെ പൊതുജനങ്ങള്ക്കായി കാണാന് അവസരമൊരുക്കാന് തീരുമാനിച്ചിരിക്കെയാണിത്. തിരച്ചിൽ ആരംഭിച്ചിട്ടുണ്ട്.
കര്ണാടകയിലെ തിരുപ്പതി ശ്രീ വെങ്കിടേശ്വര മൃഗശാലയില് നിന്നും കഴിഞ്ഞയാഴ്ചയാണ് രണ്ട് കുരങ്ങുകളെ കൊണ്ടുവന്നത്. ഇതിലെ പെണ്കുരങ്ങാണ് ചാടി പോയത്. മൃഗശാലയിലെ അധികൃതര് സംഭവ സമയത്തുണ്ടായിരുന്നുവെങ്കിലും വലിയ ഉയരത്തില് കുരങ്ങ് ചാടിയതിനാല് പിടിക്കാനായില്ല. മൃഗശാലയ്ക്ക് വെളിയില് കടന്ന കുരങ്ങിനെ നന്ദാവനം ഭാഗത്ത് കണ്ടു എന്ന പറഞ്ഞതിനെതുടര്ന്ന് അവിടെ തിരച്ചില് നടത്തിയെങ്കിലും കണ്ടെത്താനായില്ല. രാത്രി ഏറെ വൈകിയാണ് തിരച്ചില് അവസാനിപ്പിച്ചത്. തിരച്ചില് ഇന്ന് രാവിലെ വീണ്ടും ആരംഭിക്കുമെന്ന് മൃഗശാല അധികൃതര് അറിയിച്ചു.
English Summary: gray langur escaped from zoo in tvm
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.