കുവൈറ്റിലെ പ്രമുഖ വിനോദസഞ്ചാര കേന്ദ്രമായ ഗ്രീൻ ഐലൻഡിനെ ലോകോത്തര നിലവാരത്തിലുള്ള ടൂറിസ്റ്റ് കേന്ദ്രമായി മാറ്റാനൊരുങ്ങി ടൂറിസ്റ്റ് എന്റർപ്രൈസസ് കമ്പനി. വിനോദസഞ്ചാര മേഖലയിൽ വിപ്ലവകരമായ മാറ്റങ്ങൾ ലക്ഷ്യമിട്ടുള്ള വലിയൊരു വികസന പദ്ധതിക്കാണ് അധികൃതർ രൂപം നൽകിയിരിക്കുന്നത്. വിദേശ വിനോദസഞ്ചാരികളെയും സ്വദേശികളെയും ഒരേപോലെ ആകർഷിക്കുന്ന രീതിയിലുള്ള അത്യാധുനിക സൗകര്യങ്ങൾ ‚വൈവിധ്യമാർന്ന വാട്ടർ സ്പോർട്സ് സൗകര്യങ്ങൾ, പുതിയ കളിസ്ഥലങ്ങൾ, കുടുംബങ്ങൾക്കായി പ്രത്യേകം തയ്യാറാക്കിയ വിശ്രമ കേന്ദ്രങ്ങൾ എന്നിവ പദ്ധതിയുടെ ഭാഗമാണ്.
അന്താരാഷ്ട്ര ബ്രാൻഡുകളുടെ ഷോപ്പുകൾ, വിവിധ രാജ്യങ്ങളിലെ രുചികരമായ വിഭവങ്ങൾ ലഭ്യമാകുന്ന റെസ്റ്റോറന്റുകൾ, കഫേകൾ എന്നിവയും നവീകരണത്തിന്റെ ഭാഗമായി വരും.ദ്വീപിന്റെ പ്രകൃതിഭംഗി നിലനിർത്തിക്കൊണ്ടുതന്നെ കൂടുതൽ പാർക്കിംഗ് സൗകര്യങ്ങളും നടപ്പാതകളും ലാൻഡ്സ്കേപ്പിംഗും മെച്ചപ്പെടുത്തും. കുവൈറ്റിന്റെ സാമ്പത്തിക വൈവിധ്യവൽക്കരണത്തിന്റെ ഭാഗമായി ടൂറിസം മേഖലയ്ക്ക് നൽകുന്ന പ്രാധാന്യമാണ് ഗ്രീൻ ഐലൻഡ് പ്രോജക്റ്റിലൂടെ വ്യക്തമാകുന്നത്. ഗുണമേന്മയുള്ള വിനോദസൗകര്യങ്ങൾ ഉറപ്പാക്കുന്നതിനൊപ്പം രാജ്യത്തിന്റെ ടൂറിസം ഭൂപടത്തിൽ ഗ്രീൻ ഐലൻഡിനെ ഒരു പ്രധാന അടയാളമായി മാറ്റുകയാണ് ഈ നവീകരണ പദ്ധതിയിലൂടെ ടൂറിസ്റ്റ് എന്റർപ്രൈസസ് കമ്പനി ലക്ഷ്യമിടുന്നത്.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.