ഹിന്ദി ചിത്രം ‘ഹമാരേ ബാരാ’ യുടെ പ്രദര്ശനം താല്ക്കാലികമായി നിരോധിച്ച് കര്ണാടക സര്ക്കാര്. സംസ്ഥാനത്ത് രണ്ടാഴ്ചത്തേക്ക് പ്രദര്ശനം പാടില്ലെന്നാണ് നിര്ദേശം. ചിത്രത്തിന്റെ പോസ്റ്ററുകള്, ട്രെയ്ലര് എന്നിവ സമൂഹമാധ്യമങ്ങളിലും തിയേറ്ററുകളിലും തുടങ്ങി മറ്റ് ഔട്ട്ലെറ്റുകളില് പ്രദര്ശിപ്പിക്കരുതെന്നും സര്ക്കാര് ഉത്തരവിലുണ്ട്.
ചിത്രത്തിന്റെ പ്രദര്ശനം സംസ്ഥാനത്ത് വര്ഗീയ സംഘര്ഷങ്ങള് സൃഷ്ടിക്കുമെന്ന് കര്ണാടക സര്ക്കാര് അറിയിച്ചു. ചിത്രത്തിനെതിരെ നിരവധി മുസ്ലിം സംഘടനകള് രംഗത്തെത്തിയിരുന്നു. അമിത ജനസംഖ്യയാണ് ‘ഹമാരേ ബാരാ’ യുടെ പ്രമേയം. ഇന്ന് രാജ്യവ്യാപകമായി ചിത്രം പ്രദര്ശനത്തിനെത്താന് നിശ്ചയിച്ചിരുന്നു.
അതേസമയം ബോംബെ ഹൈക്കോടതിയിലെത്തിയ ഹര്ജിയില് ചിത്രത്തിലെ എല്ലാ ആക്ഷേപകരമായ ഡയലോഗുകളും നീക്കം ചെയ്യണമെന്ന വ്യവസ്ഥയോടെ പ്രദര്ശനത്തിന് അനുമതി നല്കി. ഇക്കാര്യം സംവിധായകൻ കമല് ചന്ദ്ര കോടതിയില് ഉറപ്പുനല്കിയിരുന്നു. അന്നു കപൂര്, പരിതോഷ് ത്രിപാഠി, മനോജ് ജോഷി എന്നിവരാണ് ചിത്രത്തിലെ പ്രധാന കഥാപാത്രങ്ങള്.
English Summary:‘Hamare Bara’ banned in Karnataka
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.