സ്ത്രീധന പീഡന പരാതിയിൽ ഹൈക്കോടതിയിലെ സ്പെഷ്യൽ ഗവ. പ്ലീഡർക്കും കുടുംബാംഗങ്ങൾക്കുമെതിരെ പൊലീസ് കേസ് രജിസ്റ്റർ ചെയ്തൂ. സ്ത്രീകൾക്കും കുട്ടികൾക്കും എതിരായ കേസുകളിൽ ഹാജരാവുന്ന സ്പെഷ്യൽ ഗവ. പ്ലീഡർ എസ് അംബിക ദേവി, ഭർത്താവ് അഡ്വ. രാധാകൃഷ്ണ പിള്ള, മക്കളായ ജയകൃഷ്ണൻ, ജ്യോതി കൃഷ്ണൻ എന്നിവർക്കെതിരെയാണ് പൊലീസ് കേസ് എടുത്തത്.
അംബിക ദേവിയുടെ മൂത്തമകൻ ജയ് കൃഷ്ണന്റെ ഭാര്യ ലക്ഷ്മിയുടെ പരാതിയിലാണ് കേസ്. ചവറ മുൻ എംഎൽഎ അന്തരിച്ച എന്‍ വിജയൻ പിള്ളയുടെ മകളാണ് ലക്ഷ്മി. കൂടുതൽ സ്ത്രീധനം ആവശ്യപ്പെട്ടു പ്രതികൾ നാളുകളായി മാനസികവും ശാരീരികവുമായി പീഡിപ്പിക്കുന്നതായി ചൂണ്ടികാട്ടിയുള്ള പരാതിയിലാണ് പൊലീസ് കേസ് എടുത്തത്. വിവാഹസമയം നൽകിയ അഞ്ഞൂറ് പവൻ സ്വര്‍ണാഭരണങ്ങൾ പ്രതികൾ ധൂർത്തടിച്ചതായും മൂന്നു കോടിയോളം രൂപ ഇതിനോടകം സ്ത്രീധനമെന്ന പേരിൽ വാങ്ങിയെടുത്തതായും പരാതിയിൽ പറയുന്നു.
English Summary:harassment case against govt Pleader
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.