ഗിരീഷിന്റെ കൃഷിയിടത്തിലെ ചെണ്ടുമല്ലി പൂക്കളുടെ വിളവെടുത്തു. പാലമേൽ ഗ്രാമ പഞ്ചായത്തിന്റെയും കൃഷിഭവന്റെയും തരിശ് രഹിത പദ്ധതിയിയുടെ ഭാഗമായി എരുമക്കുഴി വാർഡിൽ രതീഷ് ഭവനത്തിൽ ഗിരീഷിന്റെ പൂക്കൃഷിയിലേക്കുള്ള ആദ്യ ചുവട് വയ്പാണ് വിജയകരമായത്. ചെന്നൈയിൽ ജോലി ചെയ്തു വരുന്ന ഗിരീഷിന്റെ നാട്ടിലുള്ള വീടിന് സമീപം തരിശുകിടന്ന 30 സെന്റിലായിരുന്നു കൃഷിയിറക്കിയത്. 3000 ചെണ്ടുമല്ലി ചെടികൾ നട്ടു പരിചരിച്ചു. കൃഷിക്കാരനായ പിതാവ് സുരേന്ദ്രന്റെയും സഹായം ലഭിച്ചു. സമീപവാസിയായ റുബീനയായിരുന്നു പ്രചോദനം. ഗ്രാമപഞ്ചായത്ത് പ്രസിഡന്റ് ബി വിനോദ് വിളവെടുപ്പ് ഉദ്ഘാടനം ചെയ്തു. സ്റ്റാന്റിംഗ് കമ്മിറ്റി ചെയർമാൻ കെ അജയഘോഷ്, എൽ സജികുമാർ, വേണു കാവേരി, ദീപ പ്രസന്നൻ, പി രാജശ്രീ, പ്രമോട്ടർ റുബീന തുടങ്ങിയവരും വിളവെടുപ്പ് ചടങ്ങിൽ പങ്കെടുത്തു.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.