നിര്ബന്ധിത മതപരിവര്ത്തനം ആരോപിച്ച് മലയാളി പാസ്റ്റര്ക്കെതിരെ കേസെടുത്ത് രാജസ്ഥാൻ പൊലീസ്. കട്ടപ്പന സ്വദേശി തോമസ് ജോര്ജിനെതിരെയാണ് കേസ്. ഏറെക്കാലമായി രാജസ്ഥാനിലാണ് തോമസ് ജോര്ജ്.
21 വര്ഷമായി രാജസ്ഥാനിലെ ദൗസയില് പാസ്റ്റര് ആയി സേവനം ചെയ്ത് വരികയാണ് തോമസ് ജോര്ജ്. പ്രാര്ത്ഥനക്കിടെ പള്ളി പൊളിക്കാന് ബജ്റഗ്ദള്, ആര്എസ്എസ്, ബിജെപി, ഹനുമാന്സേന പ്രവര്ത്തകര് എത്തിയെന്നും പൊലീസ് എത്തി ഇടപെട്ടാണ് അന്തരീക്ഷം ശാന്തമാക്കിയതെന്നും തോമസ് ജോര്ജ് പറഞ്ഞു. പിന്നീട് ആറാം തിയ്യതി അഞ്ഞൂറോളം പ്രവര്ത്തകര് ജെസിബിയുമായി പള്ളി പൊളിക്കാന് എത്തിയെന്നും തോമസ് ജോര്ജ് പറയുന്നു.
മതപരിവര്ത്തനം നടത്തുന്നുവെന്നാണ് അവര് പറഞ്ഞത്. ഇതുവരെയും ആരെയും മതപരിവര്ത്തനം നടത്തിയിട്ടില്ല. അവിടേക്ക് ആളുകള് പ്രാര്ത്ഥനയ്ക്കായി എത്തുന്നുവെന്ന് മാത്രം. അന്ന് പൊലീസ് സംരക്ഷണം തന്നു. ജാമ്യമില്ലാ വകുപ്പ് പ്രകാരമാണ് പൊലീസ് കേസെടുത്തതെന്നും അദ്ദേഹം പറഞ്ഞു.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.