കനത്ത മൂടൽമഞ്ഞിനെ തുടർന്ന് ഡൽഹിയിൽ വിമാന സർവീസുകൾ തടസ്സപ്പെടാൻ സാധ്യതയുണ്ടെന്ന് മുന്നറിയിപ്പ് നൽകി എയർ ഇന്ത്യ. ഡൽഹിയിലും വടക്കേ ഇന്ത്യയുടെ ചില ഭാഗങ്ങളിലും കനത്ത മൂടൽമഞ്ഞാണ് അനുഭവപ്പെടുന്നത്. പ്രദേശത്തെ സ്ഥിതിഗതികൾ സൂക്ഷ്മമായി നിരീക്ഷിച്ചുവരികയാണെന്നും യാത്രക്കാർക്കുള്ള അസൗകര്യം കുറയ്ക്കുന്നതിന് മുൻകരുതൽ നടപടികൾ സ്വീകരിച്ചിട്ടുണ്ടെന്നും എയർ ഇന്ത്യ അറിയിച്ചു. നാളെയോടെ ഡൽഹിയിലും വടക്കേ ഇന്ത്യയുടെ ചില ഭാഗങ്ങളിലും കനത്ത മൂടൽമഞ്ഞും ദൃശ്യപരത കുറയുമെന്നുമാണ് അധികൃതർ അറിയിക്കുന്നത്. അപ്രതീക്ഷിതമായ കാലതാമസങ്ങൾ, വഴിതിരിച്ചുവിടലുകൾ അല്ലെങ്കിൽ റദ്ദാക്കലുകൾ എന്നിവ ഉണ്ടായാൽ സഹായം നൽകാൻ ഗ്രൗണ്ട് സ്റ്റാഫ് ലഭ്യമാകുമെന്ന് എയർലൈൻ വിഭാഗം അറിയിച്ചു.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.