ഡൽഹിയിൽ കനത്ത മൂടൽമഞ്ഞിനെ തുടർന്ന് വ്യോമ‑റെയിൽ ഗതാഗത സംവിധാനങ്ങൾ പൂർണ്ണമായും തടസ്സപ്പെട്ടു. കനത്ത മഞ്ഞും മോശം കാഴ്ചപരിധിയും കാരണം ഡൽഹി വിമാനത്താവളത്തിൽ നിന്ന് പുറപ്പെടേണ്ടതും എത്തേണ്ടതുമായ 148 വിമാനങ്ങൾ ഇതുവരെ റദ്ദാക്കി. 227 വിമാനങ്ങൾ വൈകിയാണ് സർവീസ് നടത്തുന്നത്. യാത്രക്കാർ വിമാനത്താവളത്തിലേക്ക് തിരിക്കും മുൻപ് ഫ്ലൈറ്റ് സ്റ്റാറ്റസ് പരിശോധിക്കണമെന്ന് വിമാനക്കമ്പനികൾ കർശന നിർദ്ദേശം നൽകിയിട്ടുണ്ട്.
ട്രെയിൻ ഗതാഗതത്തെയും മഞ്ഞ് സാരമായി ബാധിച്ചിട്ടുണ്ട്. 18 പാസഞ്ചർ ട്രെയിനുകൾ ഇതിനകം റദ്ദാക്കി. മേഖലയിൽ താപനില എട്ട് ഡിഗ്രി സെൽഷ്യസില് താഴെയെത്തിയതോടെ കാഴ്ചപരിധി 50 മീറ്ററിൽ താഴെയായി ചുരുങ്ങി. വരും ദിവസങ്ങളിൽ കനത്ത ശീതക്കാറ്റിനും മൂടൽമഞ്ഞിനും സാധ്യതയുണ്ടെന്നാണ് കാലാവസ്ഥാ വകുപ്പിന്റെ മുന്നറിയിപ്പ്. ഡൽഹിക്ക് പുറമെ ലക്നൗ, അമൃത്സർ, നോയിഡ, ഗാസിയാബാദ് എന്നിവിടങ്ങളിലും ജനജീവിതം ദുസ്സഹമാക്കി കനത്ത മൂടൽമഞ്ഞ് തുടരുകയാണ്.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.