കോട്ടയത്ത് ശക്തമായ മഴ;കാറ്റില്‍ മരങ്ങള്‍ കടപുഴകി വീണു

കോട്ടയത്ത് ശക്തമായ മഴയിലും കാറ്റിലും വ്യാപക നാശനഷ്ടങ്ങള്‍.മരങ്ങള്‍ കടപുഴകി വീണതിനാല്‍ ജില്ലയിലെ പലയിടങ്ങളിലും ഗതാഗത തടസ്സം ഉണ്ടായിട്ടുണ്ട്.ഉച്ചയ്ക്ക് 12.30ഓടെ കാറ്റ് വീശിയടിച്ച് മരം കടപുഴകി റോഡിലേക്ക് വീഴുകയായിരുന്നു.കോട്ടയത്തെ പാലാ പ്രവിത്താനത്ത് റോഡിലെ വൈദ്യുതി പോസ്റ്റിന് മുകളിലേക്കാണ് മരം വീണത്.ഇതോടെ ഇവിടുത്തെ ഗതാഗതവും തടസ്സപ്പെടുകയായിരുന്നു.

വാഴൂര്‍-ചങ്ങനാശ്ശേരി റോഡിലും മരം വീണ്  ഗതാഗത തടസ്സം അനുഭവപ്പെട്ടിട്ടുണ്ട്.ഇവിടെ ഫയര്‍ഫോഴ്സ് എത്തി മരം മുറിച്ചു മാറ്റിക്കൊണ്ടിരിക്കുകയാണ്.കുമരകം-ചേര്‍ത്തല റോഡില്‍ രണ്ട് കാറുകളുടെ മുകളിലേക്കാണ് മരം കടപുഴകി വീണത്.

Eng­lish Summary;Heavy rain in Kot­tayam; trees fell in the wind

You may also like this video;