യുഎഇയില് കനത്ത മഴയെ തുടര്ന്ന് കേരളത്തില് നിന്നുള്ള നാല് വിമാനങ്ങള് റദ്ദാക്കി. എമിറേറ്റ്സിന്റെയും എയര് ഇന്ത്യ എക്സ്പ്രസിന്റെയും ദുബായിലേക്കുള്ള വിമാനങ്ങളും, ഇന്ഡിഗോയുടെയും എയര് അറേബ്യയുടെയും ഷാര്ജയിലേക്കുള്ള വിമാനങ്ങളുമാണ് റദ്ദാക്കിയതെന്ന് തിരുവനന്തപുരം വിമാനത്താവള അധികൃതര് അറിയിച്ചു.
പ്രതികൂല കാലാവസ്ഥയെ തുടര്ന്ന് നേരത്തെ കൊച്ചിയില് നിന്ന് ദുബായിലേക്കുള്ള മൂന്ന് വിമാന സര്വീസുകള് റദ്ദാക്കിയിരുന്നു. ഫ്ലൈ ദുബായിയുടെയും എമിറൈറ്റ്സിന്റെയും ഇന്ഡിഗോയുടെയും വിമാനങ്ങളാണ് റദ്ദാക്കിയത്. കൊച്ചി — ദുബായ് സര്വീസ്, ഇന്ഡിഗോയുടെ കൊച്ചി — ദോഹ സര്വീസ്, എയര് അറേബ്യയുടെ കൊച്ചി — ഷാര്ജ സര്വീസ് എന്നിവയാണ് റദ്ദാക്കിയത്. ഇന്നലെ രാത്രി പുറപ്പെടേണ്ട എയര് ഇന്ത്യയുടെ വിമാനവും റദ്ദാക്കി.
കനത്ത മഴ ദുബായ് വിമാനത്താവള ടെര്മിനലുകളില് പ്രതിസന്ധിയിലായി പിന്നാലെയാണ് നടപടി. ഇന്ന് ദുബായില്നിന്ന് പുറപ്പെടുന്ന യാത്രക്കാരുടെ ചെക്ക്-ഇന് എമിറേറ്റ്സ് എയര്ലൈന് താല്ക്കാലികമായി നിര്ത്തിവച്ചു. ദുബായില് നിന്നുള്ള വിമാനങ്ങളും കേരളത്തിലേക്ക് വരുന്നില്ല. കൊച്ചിയില് നിന്നും ദോഹയിലേക്കുള്ള വിമാനവും റദ്ദാക്കിയവയുടെ പട്ടികയില് ഉള്പ്പെടുന്നുണ്ട്. കനത്ത മഴയില് റണ്വേയില് വെള്ളം കയറിയതിനെ തുടര്ന്ന് ദുബായ് വിമാനത്താവളത്തില് ഇറങ്ങേണ്ട വിമാനങ്ങള് തിരിച്ചുവിട്ടു. പ്രതികൂല സാഹചര്യം മെച്ചപ്പെടുന്നതുവരെ അടുത്തുള്ള ലഭ്യമായ എയര്പോര്ട്ടിലേക്ക് വിമാനങ്ങള് തിരിച്ചുവിടുമെന്നാണ് അറിയിച്ചിട്ടുള്ളത്.
English Summary: Heavy rain in UAE; Four flights from Kerala were cancelled
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.