സംസ്ഥാനത്ത് പന്ത്രണ്ട് ജില്ലകളില് ഉയര്ന്ന താപനില സാധാരണയേക്കാള് രണ്ട് മുതല് നാല് ഡിഗ്രി സെല്ഷ്യസ് വരെ ഉയരുമെന്ന് കേന്ദ്ര കാലാവസ്ഥാ വകുപ്പിന്റെ മുന്നറിയിപ്പ്. കൊല്ലം, പാലക്കാട് ജില്ലകളില് ഉയര്ന്ന താപനില 40 ഡിഗ്രി സെല്ഷ്യസ് വരെയാകുമെന്നാണ് മുന്നറിയിപ്പ്.
തൃശൂര്, കണ്ണൂര് ജില്ലകളില് 38, ആലപ്പുഴ, പത്തനംതിട്ട, കോട്ടയം, എറണാകുളം, കോഴിക്കോട് ജില്ലകളില് 37, തിരുവനന്തപുരം, മലപ്പുറം, കാസര്കോട് ജില്ലകളില് 36 ഡിഗ്രി സെല്ഷ്യസ് വരെയും താപനില ഉയരുമെന്നാണ് മുന്നറിയിപ്പ്. തെക്കന് കേരളത്തില് ഒറ്റപ്പെട്ടയിടങ്ങളില് വേനല് മഴയ്ക്കും സാധ്യതയുണ്ട്.
താപനില വര്ധിച്ചുവരുന്ന സാഹചര്യത്തില് ജലജന്യ രോഗങ്ങള്ക്കെതിരെ ജാഗ്രത പാലിക്കണമെന്ന് ആരോഗ്യ വിദഗ്ധര് മുന്നറിയിപ്പ് നല്കി. സൂര്യാഘാതം, സൂര്യാതപം, നിര്ജലീകരണം തുടങ്ങി നിരവധി ഗുരുതരമായ ആരോഗ്യ പ്രശ്നങ്ങളില് കരുതിയിരിക്കണമെന്നും മുന്നറിയിപ്പില് പറയുന്നു.
English Summary: High temperature warning in twelve districts
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.