ചരിത്രകാരൻ രണജിത് ഗുഹ (99) അന്തരിച്ചു. ഓസ്ട്രിയയിലെ വിയന്ന വുഡ്സിലെ വസതിയിൽ വെച്ചായിരുന്നു അദ്ദേഹത്തിന്റെ അന്ത്യം. 1923 മെയ് 23ന് ഇന്നത്തെ ബംഗ്ലാദേശിലെ സിദ്ധകാതി ഗ്രാമത്തിലാണ് ഗുഹ ജനിച്ചത്. ശേഷം 1959ൽ ബ്രിട്ടനിലെത്തി. സസ്സെക്സ് യൂണിവേഴ്സിറ്റി, ഓസ്ട്രേലിയൻ നാഷണൽ യൂണിവേഴ്സിറ്റി എന്നിവിടങ്ങളിൽ സേവനമനുഷ്ടിച്ചു. കൊളോണിയൽ ഇന്ത്യയിലെ കർഷക കലാപത്തിന്റെ പ്രാഥമിക വശങ്ങൾ അദ്ദേഹത്തിന്റെ ഏറ്റവും ശ്രദ്ധേയമായ കൃതി.
‘ഇരുപതാം നൂറ്റാണ്ടിലെ ഏറ്റവും ക്രിയാത്മകമായ ഇന്ത്യൻ ചരിത്രകാരൻ’ എന്ന് നൊബേൽ സമ്മാന ജേതാവായ സാമ്പത്തിക ശാസ്ത്രജ്ഞൻ അമർത്യ സെൻ അനുശോചന സന്ദേശത്തിൽ പറഞ്ഞു. മരണത്തിൽ മുഖ്യമന്ത്രി മമത ബാനർജി അനുശോചനം രേഖപ്പെടുത്തി. ഇതിഹാസ ചരിത്രകാരനായ രഞ്ജിത് ഗുഹയുടെ വിയോഗത്തിൽ അതിയായ ദുഃഖമുണ്ടെന്ന് അവർ പറഞ്ഞു. ഈ മെയ് മാസത്തിൽ നൂറ് വയസ് തികയാനിരിക്കെയാണ് അന്ത്യം. മെത്തിൽഡ് ഗുഹയാണ് ഭാര്യ.
English Summary;Historian Ranajit Guha passed away
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.