ഹോങ്കോങ്ങിലെ ഒരു റെസിഡൻഷ്യൽ കെട്ടിടത്തിൽ ഉണ്ടായ തീപിടിത്തത്തിൽ മരിച്ചവരുടെ എണ്ണം 128 ആയെന്ന് സർക്കാർ അറിയിച്ചു. അപകടത്തിൽ കാണാതായ 200 പേരെ കണ്ടെത്താനുള്ള തിരച്ചിൽ തുടരുമെന്നും സുരക്ഷാ സെക്രട്ടറി ക്രിസ് ടാങ് വ്യക്തമാക്കി. ഇത് മരണസംഖ്യ ഇനിയും ഉയരാൻ കാരണമായേക്കാം. കുറഞ്ഞത് 79 പേർക്ക് പരിക്കേറ്റിട്ടുണ്ടെന്നും അദ്ദേഹം കൂട്ടിച്ചേർത്തു. ബുധനാഴ്ച ഉച്ചയ്ക്ക് ശേഷം ആരംഭിച്ച ഈ തീപിടിത്തം, പതിറ്റാണ്ടുകൾക്കിടയിലെ ഹോങ്കോങ്ങിലെ ഏറ്റവും വലിയ ദുരന്തങ്ങളിലൊന്നായി മാറിയിരുന്നു.
തീ നിയന്ത്രണ വിധേയമാക്കിയെങ്കിലും, രണ്ടു ദിവസത്തോളം സംഭവസ്ഥലത്ത് നിന്ന് പുക ഉയരുകയും ഇടയ്ക്കിടെ തീ ആളിക്കത്തുകയും ചെയ്തിരുന്നു. കെട്ടിടത്തിലെ എല്ലാ യൂണിറ്റുകളിലും നിർബന്ധിതമായി പ്രവേശിച്ച് മറ്റാരും അപകടത്തിൽപ്പെട്ടിട്ടില്ലെന്ന് ഉറപ്പുവരുത്തുമെന്ന് അധികൃതർ അറിയിച്ചു. അതിനിടെ, ഈ തീപിടിത്തവുമായും നവീകരണത്തിലെ അശ്രദ്ധയുമായും ബന്ധപ്പെട്ട് ഹോങ്കോങ്ങിലെ അഴിമതി വിരുദ്ധ ഏജൻസി അന്വേഷണം ആരംഭിച്ചു. മനഃപൂർവമല്ലാത്ത നരഹത്യയ്ക്ക് നിർമ്മാണ കമ്പനി ഡയറക്ടർമാർ, എഞ്ചിനീയറിംഗ് കൺസൾട്ടൻ്റ് എന്നിവരുൾപ്പെടെ മൂന്ന് പേരെ ഇതിനോടകം അറസ്റ്റ് ചെയ്തിട്ടുണ്ട്.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.