ബെംഗളൂരുവിൽ വൻ ലഹരിവേട്ട. 21 കോടി രൂപ വില മതിക്കുന്ന ലഹരിമരുന്നുമായി മലയാളികളടക്കം ആറ് പേർ പിടിയിലായി. ബെംഗളൂരു കേന്ദ്രമായി പ്രവർത്തിക്കുന്ന അന്താരാഷ്ട്ര ലഹരിക്കടത്ത് സംഘത്തിൽ ഉൾപ്പെട്ടവരാണിവർ. മലയാളികളായ എ.എം. സുഹൈൽ (31), കെ.എസ്. സുജിൻ (32), ബെംഗളൂരുവിലുള്ള ദമ്പതിമാരായ എം.ഡി. സഹീദ് (29), സുഹ ഫാത്തിമ (29) എന്നിവരും രണ്ട് നൈജീരിയ സ്വദേശികളുമാണ് പിടിയിലായത്.
മലയാളിയായ സുഹൈൽ ലഹരിക്കടത്ത് സംഘത്തിലെ പ്രധാന കണ്ണിയാണെന്ന് പൊലീസ് പറഞ്ഞു. ദുബായിൽ ജോലി ചെയ്യുകയായിരുന്ന ഇയാൾ പിന്നീട് ലഹരിക്കടത്തിലേക്ക് തിരിയുകയായിരുന്നു.കേരളത്തിലും ഇയാൾക്കെതിരെ ലഹരിക്കടത്ത് കേസുണ്ട്. രഹസ്യ വിവരം ലഭിച്ചതിനെത്തുടർന്ന് ഡൽഹി പൊലീസ് നടത്തിയ പരിശോധനയിലാണ് സംഘം വലയിലായത്. ഐടി ജീവനക്കാരെ ലക്ഷ്യമാക്കിയാണ് ഇലർ ലഹരിവിൽപ്പന നടത്തുന്നത്. കേരളത്തിലും ഇത്തരത്തിൽ ലഹരി എത്തിച്ചിരുന്നു.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.