ഞാൻ മരിച്ചിട്ടില്ല; വ്യാജ വാര്‍ത്തയോട് പ്രതികരിച്ച് നടൻ മധു മോഹൻ

താൻ മരണപ്പെട്ടിട്ടില്ലെന്ന വെളിപ്പെടുത്തലുമായി പ്രമുഖ സീരിയൽ നടനും നിർമാതാവുമായ മധു മോഹൻ രംഗത്ത്. താൻ മരിച്ചോ ഇല്ലയോ എന്നറിയാൻ ആളുകൾ തന്നെയാണ് വിളിക്കുന്നതെന്നും പബ്ലിസിറ്റിക്ക് വേണ്ടി ആരോ പടച്ചുവിട്ട വാർത്ത മാത്രമാണ് ഇതെന്നും മധു മോഹൻ പറഞ്ഞു. നിമിഷങ്ങള്‍ കൊണ്ടാണ് സമൂഹമാധ്യമങ്ങളില്‍ മധു മോഹൻ മരിച്ചുവെന്ന തരത്തില്‍ വ്യാജ വാര്‍ത്ത പ്രചരിച്ചത്. സംഭവം ശ്രദ്ധയില്‍പ്പെട്ടതോടെ മധു മോഹൻ രംഗത്തെത്തുകയായിരുന്നു.

“എനിക്ക് ഒരുപാട് കോൾസ് വരുന്നുണ്ട്. ഞാൻ മരിച്ചോ ഇല്ലയോ എന്നറിയാൻ എന്നെത്തന്നെയാണ് വിളിക്കുന്നത്. ആരോ പബ്ലിസിറ്റിക്ക് വേണ്ടി വ്യാജവാർത്ത പടച്ചുവിട്ടിരിക്കുകയാണ്. ഇതിന്റം പിന്നാലെ പോകാൻ എനിക്ക് താല്‍പര്യമില്ല. അവര് പബ്ലിസിറ്റി തേടുന്നത് എനിക്കും പബ്ലിസിറ്റി തന്നെയാണ്. ഞാൻ ജീവിച്ചിരിപ്പുണ്ടെന്ന് ആളുകൾ അറിയുമല്ലോ. കൃത്യമായ വിവരം അന്വേഷിക്കാതെ വാർത്തകൾ പടച്ചുവിടുന്നത് തെറ്റാണ്. രണ്ട് വർക്കുകൾ ഇപ്പോൾ ചെയ്യുകയാണ്.”- മധു മോഹൻ പറഞ്ഞു.

Eng­lish Sum­ma­ry: I am not dead; Actor Mad­hu Mohan reacts to the fake news
You may also like this video