ഐസിഐസിഐ ബാങ്ക് സേവിങ്സ് അക്കൗണ്ടുകളുടെ പ്രതിമാസ മിനിമം ബാലൻസ് തുക കുത്തനെ വർധിപ്പിച്ചു. ഓഗസ്റ്റ് 1 മുതൽ പുതിയ അക്കൗണ്ടുകൾ തുറക്കുന്നവർക്കാണ് ഈ മാറ്റം ബാധകമാവുക. പുതിയ നിയമപ്രകാരം, അക്കൗണ്ട് ഉടമകൾ മെട്രോ, നഗരപ്രദേശങ്ങളിൽ 50,000 രൂപയും, അർധ നഗരങ്ങളിൽ 25,000 രൂപയും, ഗ്രാമങ്ങളിൽ 10,000 രൂപയും മിനിമം ബാലൻസായി നിലനിർത്തണം. നേരത്തെ ഇത് യഥാക്രമം 10,000, 5000, 2500 രൂപയായിരുന്നു. ഈ തുക നിലനിർത്താൻ പരാജയപ്പെടുന്ന ഉപഭോക്താക്കൾക്ക് പിഴ ചുമത്തും. മിനിമം ബാലൻസിൽ വരുന്ന കുറവിന്റെ 6% അല്ലെങ്കിൽ 500 രൂപ, ഇതിൽ ഏതാണോ കുറവ് അതാണ് പിഴയായി ഈടാക്കുക. പിഴ ഒഴിവാക്കാൻ ബാങ്ക് നിർദേശിച്ച മിനിമം ബാലൻസ് തുക ഉറപ്പാക്കണമെന്ന് ബാങ്ക് അധികൃതർ അറിയിച്ചു.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.