അനധികൃത സ്വത്തു സമ്പാദനക്കേസില് എഡിജിപി എം ആര് അജിത്കുമാറിന് ക്ലീന് ചിറ്റ് നല്കി വിജിലന്സ് സമര്പ്പിച്ച റിപ്പോര്ട്ട് കോടതി തള്ളി. പ്രത്യേക വിജിലന്സ് കോടതിയാണ് റിപ്പോർട്ട് തള്ളിയത്. കേസ് ഡയറിയും അന്വേഷണ റിപ്പോര്ട്ടിന്റെ ഒറിജിനല് പകര്പ്പും അന്വേഷണം സംബന്ധിച്ച സര്ക്കാര് ഉത്തരവിന്റെ പകര്പ്പും സാക്ഷിമൊഴികളും പരിശോധിച്ചതിനു ശേഷമാണ് കോടതിയുടെ നടപടി.
വിജിലന്സ് ഡെപ്യൂട്ടി സൂപ്രണ്ട് ഡി വൈ എസ് പി ഷിബു പാപ്പച്ചന്റെ നേതൃത്വത്തിലുള്ള വിജിലന്സ് പ്രത്യേക യൂണിറ്റാണ് അന്വേഷണം നടത്തിയത്. വിജിലന്സ് സമര്പ്പിച്ച ക്ലീന് ചിറ്റ് റിപ്പോര്ട്ട് അംഗീകരിക്കാന് കഴിയില്ലെന്നു പറഞ്ഞ കോടതി ഈ മാസം 30ന് പരാതിക്കാരന്റെ മൊഴി നേരിട്ട് രേഖപ്പെടുത്തും. കോടതിയുടെ നേരിട്ടുള്ള നിയന്ത്രണത്തിലാവും ഇനി തുടര്നടപടികള്.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.