വിരമിക്കാൻ ഒരു ദിവസം മാത്രം ബാക്കിനിൽക്കേ ഇന്ത്യൻ ഫുട്ബോളിലെ ഇതിഹാസ താരം ഐ എം വിജയന് പൊലീസിൽ സ്ഥാനക്കയറ്റം. എംഎസ്പിയിൽ അസിസ്റ്റന്റ് കമാൻഡന്റായ അദ്ദേഹത്തിന് ഡെപ്യൂട്ടി കമാൻഡന്റായാണ് സ്ഥാനക്കയറ്റം. ഫുട്ബോളിന് നൽകിയ സംഭാവനകൾ പരിഗണിച്ച് സൂപ്പർ ന്യൂമററി തസ്തിക സൃഷ്ടിച്ചാണ് സ്ഥാനക്കയറ്റം നൽകിയത്. ഇന്നും നാളെയും മാത്രമേ ഈ തസ്തികയില് ഐ എം വിജയന് പ്രവര്ത്തിക്കാന് സാധിക്കുകയുള്ളൂവെങ്കിലും ഉയര്ന്ന തസ്തികയിലെ ആനുകൂല്യങ്ങള് ലഭിക്കും.
1986 മുതൽ കേരള പോലീസ് ടീമിനുവേണ്ടി അതിഥി താരമായി കളിച്ചിട്ടുള്ള ഐ.എം വിജയൻ 1987ലാണ് പോലീസ് കോണ്സ്റ്റബിളായി ജോലിയില് പ്രവേശിച്ചത്. 2 വര്ഷം ഇന്ത്യന് ഫുട്ബോള് ടീമിലെ സ്ഥിര സാന്നിധ്യമായിരുന്നു. മോഹന് ബഗാന്, ഈസ്റ്റ് ബംഗാള്, ജെസിടി മില്സ് ഫഗ്വാര, എഫ്സി കൊച്ചിന്, ചര്ച്ചില് ബ്രദേഴ്സ് തുടങ്ങിയ ക്ലബ്ബുകളിലും കളിച്ചിട്ടുണ്ട്.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.