പാര്ട്ടിയുടെ റോഡ് ഷോയ്ക്കിടെ ജനങ്ങള്ക്കിടയിലേക്ക് നോട്ടുകളെറിഞ്ഞ് കര്ണ്ണാടക കോണ്ഗ്രസ് പ്രസിഡന്റ് ഡി.കെ ശിവകുമാര്.പാര്ട്ടിയുടെ നേതൃത്വത്തില് നടക്കുന്ന പ്രജധ്വനി യാത്ര മാണ്ഡ്യയിലൂടെ കടന്നുപോകുന്നതിനിടെ ചൊവ്വാഴ്ചയായിരുന്നു സംഭവം.
ജനങ്ങള്ക്ക് നേരെ നോട്ടുകളെറിയുന്ന കോണ്ഗ്രസ് നേതാവിന്റെ വീഡിയോപ്രചരിച്ചതോടെ സാമൂഹ്യമാധ്യമങ്ങളിലുള്പ്പെടെ വലിയ ചര്ച്ചായായിരിക്കുകയാണ് .ഒരു ബസിന് മുകളില് നില്ക്കുന്ന ശിവകുമാര് റാലിക്കിടെ ജനങ്ങള്ക്കിടയിലേക്ക് 500‑ന്റെ നോട്ടുകള് എറിയുന്നതാണ് ദൃശ്യങ്ങളില് കാണാന് കഴിയുന്നത്.
ഡി.കെ ശിവകുമാറിന്റെ നേതൃത്വത്തില് കര്ണാടക നിയമസഭാ തിരഞ്ഞെടുപ്പില് വലിയ നേട്ടമുണ്ടാക്കാനാകുമെന്ന പ്രതീക്ഷയിലാണ് കോണ്ഗ്രസ്. 224- അംഗ നിയമസഭയിലേക്ക് നടക്കുന്ന തിരഞ്ഞെടുപ്പില് കോണ്ഗ്രസ് ഇതിനോടകം അവരുടെ ആദ്യഘട്ട സ്ഥാനാര്ഥികളെ പ്രഖ്യാപിച്ചു കഴിഞ്ഞു. അതേസമയം, തിരഞ്ഞെടുപ്പ് പ്രഖ്യാപനത്തിന് ശേഷം തങ്ങളുടെ സ്ഥാനാര്ഥികളെ പ്രഖ്യാപിക്കുമെന്നാണ് ബിജെപി വ്യക്തമാക്കിയിരിക്കുന്നത്.
English Sumamry:
In Karnataka, DK Sivakumar released the notes to the crowd during his road show
You may also like this video:
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.