ബിജെപി ഭരിക്കുന്ന മധ്യപ്രദേശ് ജില്ലയിലെ ആദിവാസി യുവാവിന്റെ ദേഹത്ത് മൂത്രമൊഴിച്ച സംഭവത്തില് ജനരോഷം ശക്തമായതോടെ ശമിപ്പിക്കാനുള്ള നീക്കങ്ങളുമായി ബിജെപി.
ഹീനമായ കൃത്യത്തിന് ഇരയായ ദഷ്മത് റാവത്തിനെ കണ്ട മധ്യപ്രദേശ് മുഖ്യമന്ത്രി ശിവരാജ് സിങ് ചൗഹാന് അദ്ദേഹത്തിന്റെ കാല്കഴുതി മാപ്പ് പറഞ്ഞിരിക്കുന്നു. സംഭവത്തിന്റെ വീഡിയോ സാമൂഹ്യമാധ്യമങ്ങളില് വ്യാപകമായി പ്രചരിക്കപ്പെട്ടതോടെ ബിജെപിക്കെതിരെ പ്രതിഷേധം ശക്തമായി. ബിജെപി ഭരണത്തില് ആദിവാസികള്ക്കും, ദളിതര്ക്കും നേരെയുള്ള അതിക്രമങ്ങള് വര്ധിച്ചുവരുകയാണെന്ന് രാഹുല്ഗാന്ധിയടക്കമുള്ള പ്രതിപക്ഷ നേതാക്കള് ആരോപിച്ചിരുന്നു.
ആദിവാസികളോടും, ദളിതരോടുമുള്ള ബിജെപിയുടെ വെറുപ്പിന്റെ യഥാര്ത്ഥമുഖം ആണ് വെളിവായത് ഈ സംഭവത്തിലൂടെയെന്ന് നേതാക്കള് അഭിപ്രായപ്പെട്ടിരുന്നു. തിരഞ്ഞെടുപ്പ് അടുത്തിരിക്കുന്ന മധ്യപ്രദേശില് സംഭവത്തിനെതിരെ വ്യാപക ജനരോഷം ഉയര്ന്നതോടെ പ്രതി പ്രവേശ് ശുക്ലയെ കഴിഞ്ഞ ദിവസം അറസ്റ്റ് ചെയ്യുകയും വീട് സര്ക്കാര് ബുള്ഡോസര് ഉപയോഗിച്ച് തകര്ക്കുകയും ചെയ്തിരുന്നു.
ഇതിന് പിന്നാലെയാണ് മുഖ്യമന്ത്രി ശിവരാജ് സിങ് ചൗഹാന് ആദിവാസി തൊഴിലാളിയോട് മാപ്പ് പറഞ്ഞിരിക്കുന്നത്. ദഷ്മത് റാവത്തിനെ മധ്യപ്രദേശ് മുഖ്യമന്ത്രിയുടെ വസതിയിലെത്തിച്ചാണ് കാല് കഴുകിയത്. ആ വീഡിയോ കണ്ട് ഞാന് വേദനിച്ചു.
ഞാന് നിങ്ങളോട് മാപ്പ് പറയുന്നു. എനിക്ക് നിങ്ങള് ദൈവത്തെ പോലെയാണ്’ കാല് കഴുകിയതിന് ശേഷം ശിവരാജ് സിങ് ചൗഹാന് പറഞ്ഞു. ശേഷം അദ്ദേഹത്തെ പൂമാലയിട്ടും ഷാള് അണിയിച്ചും ആദരിക്കുകയും ചെയ്തു. തുടര്ന്ന് ദഷ്മത് റാവത്തിനൊപ്പം ഭോപ്പാലിലെ സ്മാര്ട്ട് സിറ്റി പാര്ക്ക് സന്ദര്ശിച്ച് തൈകള് നടുകയും ചെയ്തു.
English Summary:
Incident of BJP leader urinating on tribal youth’s body; Madhya Pradesh Chief Minister Kalkalsuti apologized after the protests intensified
You may also like this video:
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.