കോട്ടുക്കല് മഞ്ഞിപ്പുഴ ദേവീക്ഷേത്രത്തില് ആര്എസ്എസ് ഗണഗീതം പാടിയ സംഭവത്തില് പ്രാദേശിക ആര്എസ്എസ് നേതാക്കളെ കക്ഷി ചേര്ക്കാന് ഹൈക്കോടതി നിര്ദ്ദേശം. ക്ഷേത്ര പരിസരിത്ത് കായിക- ആയുധപരിശീലനം നടത്തിയവരെ കക്ഷി ചേര്ക്കും. ഹൈക്കോടതി ഡിവിഷന് ബെഞ്ചിന്റേതാണ് ഇടക്കാല ഉത്തരവ്. ക്ഷേത്രോത്സവത്തിലെ ഗണഗീതാലാപനം ചോദ്യം ചെയ്തുള്ള ഹര്ജിയിലാണ് നടപടികൊല്ലം കോട്ടുക്കല് ദേവി ക്ഷേത്രത്തിലെ ആര്എസ്എസ് ഗണഗീത വിവാദത്തില് കഴിഞ്ഞ ആഴ്ച ഉപദേശക സമിതിയെ പിരിച്ചു വിട്ടിരുന്നു.
ഉത്സവാഘോഷത്തിലെ ഗാനമേളയില് ഗണഗീതം പാടിയതില് ഉപദേശക സമിതിക്ക് വീഴ്ച പറ്റിയെന്ന് കണ്ടെത്തിയതിനെ തുടര്ന്നായിരുന്നു തിരുവിതാംകൂര് ദേവസ്വം ബോര്ഡിന്റെ നടപടി.ക്ഷേത്ര പരിസരത്ത് ആര്എസ്എസിന്റെ കൊടിയും തോരണങ്ങളും കെട്ടിയെന്ന പരാതിയില് കൊട്ടാരക്കര ദേവസ്വം അസിസ്റ്റന്റ് കമ്മീഷണര് അന്വേഷണം നടത്തുന്നതിനിടെയാണ് ഗാനമേളയില് ഗണഗീതം പാടിയത്. ആളുകളുടെ ആവശ്യപ്രകാരമാണ് ഗണഗീതം പാടിയതെന്നായിരുന്നു സംഭവത്തില് ഗാനമേള ട്രൂപ്പിലെ അംഗങ്ങള് നല്കിയ വിശദീകരണം.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.