രാജ്യത്തിന്റെ പ്രത്യക്ഷ നികുതി പിരിവിൽ വൻ വര്ധനവ്. മുൻവർഷത്തെ അപേക്ഷിച്ച് നടപ്പ് സാമ്പത്തിക വർഷം ഏപ്രിൽ മുതൽ ജൂലൈ 11 വരെയുള്ള കാലേയളവിൽ 19.5 ശതമാനം വളർച്ചയാണ് രേഖപ്പെടുത്തിയിരിക്കുന്നത്. ആദായ നികുതിവകുപ്പിന്റെ കണക്കുകൾ പ്രകാരം 5.74 ലക്ഷം കോടി രൂപയാണ് പ്രത്യക്ഷ നികുതി ഇനത്തിൽ പിരിച്ചെടുത്തത്. പ്രസ്തുത കാലയളവിൽ കോർപറേറ്റ് നികുതി പിരിവിലും റെക്കോർഡ് വര്ധനവാണ് ഉണ്ടായിരിക്കുന്നത്.
കഴിഞ്ഞ വർഷത്തെ അപേക്ഷിച്ച് വരുമാനം 12.5 ശതമാനം വർധിച്ച് 2.1 ലക്ഷം കോടി രൂപയായി. ഒപ്പം വ്യക്തിഗത ആദായനികുതി 24 ശതമാനം ഉയർന്ന് 3.64 ലക്ഷം കോടി രൂപയായി. റീഫണ്ടുകൾക്ക് മുമ്പ് മൊത്ത പ്രത്യക്ഷ നികുതി പിരിവ് 23.2 ശതമാനം ഉയര്ന്ന് 6.45 ലക്ഷം രൂപയായി. ഏപ്രിൽ 1 മുതൽ ജൂലൈ 11 വരെയുള്ള കാലയളവിൽ ഈ സാമ്പത്തിക വര്ഷം പ്രത്യക്ഷ നികുതി ഇനത്തിലുളള റീഫണ്ട് 70,902 കോടി രൂപയായി ഉയരുകയും ചെയ്തു. 64.5 ശതമാനം ഉയർച്ച ഇതില് രേഖപ്പെടുത്തി.
English Summary: Increase in direct tax collection
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.