ചരിത്രമെഴുതി മനു ഭാക്കര്‍.സ്വാതന്ത്യാനന്തരകാലത്ത് ഒരു ഒറ്റ ഗെയിമില്‍ രണ്ട് ഒളിംപിക് മെഡലുകള്‍ നേടുന്ന ആദ്യ വനിത എന്ന ചരിത്രം കുറിക്കുകയാണ് മനു ഭാക്കര്‍.10മീറ്റര്‍ എയര്‍ പിസ്റ്റലില്‍ തനിക്കൊപ്പം കിടപിടിക്കുന്ന സറാബ്‌ജോത് സിംഗുമായി ചേര്‍ന്നാണ് മനു രണ്ടാം വെങ്കല മെഡല്‍ സ്വന്തമാക്കിയത്.കൊറിയന്‍ ടീം ലീ വൊനോഹൊ ഓ യെ ജിന്‍ എന്നിവരെ 16–10 എന്ന സ്‌കോറിന് മറികടന്നാണ് ഇവര്‍ മെഡല്‍ സ്വന്തമാക്കിയത്.2020ലെ ടോക്കിയോ ഒളിംപിക്‌സില്‍ നടന്ന കമ്ണിരോര്‍മകളെ തുടച്ചുനീക്കിക്കൊണ്ട് കഴിഞ്ഞ ഞായറാഴ്ച നടന്ന മത്സരത്തില്‍ 22കാരിയായ ഭാക്കര്‍ ആദ്യ വെങ്കല മെഡല്‍ സ്വന്തമാക്കിയത്.
അതിന് മുന്‍പ് 1900 ഒളിംപിക്‌സില്‍ ബ്രിട്ടീഷ് ഇന്ത്യന്‍ അത്‌ലറ്റ് നോര്‍മാന്‍ പ്രിറ്റ്ചാര്‍ഡ് 200 മീറ്റര്‍ സ്പ്രിന്റിലും 200 മീറ്റര്‍ ഹര്‍ഡില്‍സിലും രണ്ട് സില്‍വര്‍ മെഡലുകള്‍ നേടിയിരുന്നു.എന്നാല്‍ അത് സ്വാതന്ത്യത്തിന് മുന്‍പുള്ള കാലഘട്ടത്തിലാണ് അടയാളപ്പെടുത്തിയിരിക്കുന്നത്.രാജ്യത്തെ സ്ത്രീകളുടെ ഒളിംപിക്‌സില്‍ ഇതൊരു സുവര്‍ണ നേട്ടമാണ്.ശനിയാഴ്ച നടന്ന 10 മീറ്റര്‍ എയര്‍ പിസ്റ്റല്‍ ഫൈനലില്‍ 577 പോയിന്റുമായി പരാജയപ്പെട്ട് 9ാം സ്ഥാനത്ത് എത്തിയ സറാബ്‌ജോതിനും ഈ നേട്ടം ഒരു മുതല്‍ക്കൂട്ടാണ്.
English Summary;India get 2nd medal in paris olympics
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.