കനേഡിയന് പൗരന്മാര്ക്ക് ഇന്ത്യ ഇ‑വിസ സേവനങ്ങള് പുനരാരംഭിച്ചു. രണ്ട് മാസത്തെ ഇടവേളയ്ക്ക് ശേഷമാണ് ഇ‑വിസ സേവനങ്ങള് പുനരാരംഭിച്ചത്. കഴിഞ്ഞ മാസം, എന്ട്രി വിസ, ബിസിനസ് വിസ, മെഡിക്കല് വിസ, കോണ്ഫറന്സ് വിസ തുടങ്ങി ചില വിഭാഗങ്ങളില് ഇന്ത്യ വിസ സേവനങ്ങള് പുനഃസ്ഥാപിച്ചിരുന്നു.
കാനഡയിലെ ഖാലിസ്ഥാന് അനുകൂല നേതാവ് ഹര്ദീപ് സിംഗ് നിജ്ജാറിനെ കൊലപ്പെടുത്തിയതില് ഇന്ത്യക്ക് ബന്ധമുണ്ടെന്ന് കാനഡ ആരോപിച്ചതിന് പിന്നാലെ ഇരുരാജ്യങ്ങളും തമ്മിലുള്ള നയതന്ത്ര ബന്ധത്തില് വിള്ളല് വീണിരുന്നു. ഇതേതുടര്ന്ന് സെപ്റ്റംബര് 21 ന് കാനഡയിലേക്കുള്ള വിസ അനുവദിക്കുന്നത് താല്ക്കാലികമായി ഇന്ത്യ നിര്ത്തിവച്ചിരുന്നു.
എന്നാല് ഒക്ടോബറില് ടൂറിസ്റ്റ്, തൊഴില്, വിദ്യാര്ത്ഥി, സിനിമ, മിഷനറി, ജേണലിസ്റ്റ് വിസകള് ഒഴികെയുള്ള ചില വിഭാഗങ്ങളില് കനേഡിയന് പൗരന്മാര്ക്ക് ഇന്ത്യ വിസ സേവനങ്ങള് പുനരാരംഭിച്ചു. കനേഡിയന് പ്രധാനമന്ത്രി ജസ്റ്റിന് ട്രൂഡോ വെര്ച്വലായി ജി 20 നേതാക്കളുടെ ഉച്ചകോടിയില് പങ്കെടുക്കുന്നതിന് മണിക്കൂറുകള്ക്ക് മുമ്പാണ് എല്ലാ വിഭാഗത്തിലുള്ള വിസ സേവനങ്ങള് പുനരാരംഭിച്ചിരിക്കുന്നത്.
English Summary: India resumes e‑Visa services for Canadian citizens
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.