വാര്ത്താ ഏജൻസിയായ ഐഎഎൻഎസിന്റെ ഭൂരിഭാഗം ഓഹരികളും സ്വന്തമാക്കി അഡാനി ഗ്രൂപ്പ്. റെഗുലേറ്ററി ഫയലിങ്ങിലിലാണ് ഈ വിവരം പുറത്തുവന്നത്. അഡാനി എന്റര്പ്രൈസസിന്റെ അനുബന്ധ സ്ഥാപനമായ എഎംജി മീഡിയ നെറ്റ്വര്ക്ക് ലിമിറ്റഡ്(എഎംഎന്എല്) ആണ് ഐഎഎൻഎസ് ഇന്ത്യ പ്രൈവറ്റ് ലിമിറ്റഡിന്റെ 50.50 ശതമാനം ഓഹരികള് ഏറ്റെടുത്തിരിക്കുന്നത്. എത്ര തുകയ്ക്കാണ് കരാര് ഒപ്പിട്ടതെന്ന വിവരം കമ്പനി പുറത്തുവിട്ടിട്ടില്ല.
കഴിഞ്ഞ വര്ഷം മാര്ച്ചിലായിരുന്നു അഡാനി ഗ്രൂപ്പ് മാധ്യമരംഗത്തേക്ക് തിരിഞ്ഞത്. ബിസിനസ്, ഫിനാൻഷ്യല് ന്യൂസ് ഡിജിറ്റല് മീഡിയ പ്ലാറ്റ്ഫോമായ ബിക്യു പ്രൈം കൈകാര്യം ചെയ്യുന്ന ക്വിന്റിലോണ് ബിസിനസ് മീഡിയയെ ആയിരുന്നു ആദ്യം ഏറ്റെടുത്തത്. പിന്നാലെ കഴിഞ്ഞ ഡിസംബറില് എൻഡിടിവിയുടെ 65 ശതമാനം ഓഹരിയും സ്വന്തമാക്കി.
ഐഎഎൻഎസ് ഓഹരി ഉടമയായ സന്ദീബ് ബംസായിയുമായി എഎംഎംഎല് കരാര് ഒപ്പുവച്ചിട്ടുണ്ട്. ഇനിമുതല് ഐഎഎൻഎസ് മാനേജ്മെന്റ് നിയന്ത്രണങ്ങളുടെയും പ്രവര്ത്തനങ്ങളുടെയും ചുമതല എഎംഎൻഎല്ലിന് ആയിരിക്കും. ഏജന്സികളുടെ ഡയറക്ടര്മാരെ നിയമിക്കാനുള്ള അവകാശം എഎംഎന്എല്ലിനായിരിക്കുമെന്നും റിപ്പോര്ട്ട് പറയുന്നു. 2023 സാമ്പത്തിക വര്ഷത്തില് ഐഎഎന്എസിന്റെ വിറ്റുവരവ് 11.86 കോടി രൂപയായിരുന്നു.
English Summary: India’s Adani group to acquire controlling stake news agency IANS
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.