നാല് ഐഎസ് ഭീകരര് അഹമ്മദാബാദ് വിമാനത്താവളത്തില് പിടിയില്. ശ്രീലങ്കന് സ്വദേശികളായ നാല് പേരെയാണ് ഗുജറാത്ത് ഭീകരവിരുദ്ധ സ്ക്വാഡ് വിമാനത്താവളത്തില്നിന്ന് അറസ്റ്റ് ചെയ്തത്. ഇവരുടെ ചിത്രങ്ങള് എടിഎസ് പുറത്തുവിട്ടു. കൂടുതല് വിശദാംശങ്ങള് ലഭ്യമായിട്ടില്ല.
തിങ്കളാഴ്ച അഹമ്മദാബാദ് സര്ദാര് വല്ലാഭായ് പട്ടേല് അന്താരാഷ്ട്ര വിമാനത്താവളത്തിലെത്തിയ നാലുപേരെയും എടിഎസ് അറസ്റ്റ് ചെയ്തതായും പിന്നാലെ ചോദ്യംചെയ്യലിനായി രഹസ്യകേന്ദ്രത്തിലേക്ക് കൊണ്ടുപോയതായും പ്രാദേശിക മാധ്യമങ്ങള് റിപ്പോര്ട്ട് ചെയ്തു.
ഐപിഎല് മത്സരത്തിനായി മൂന്ന് ടീമുകള് അഹമ്മദാബാദില് എത്താനിരിക്കെയാണ് ഐഎസ് ഭീകരരായ നാലുപേര് വിമാനത്താവളത്തില് നിന്ന് പിടിയിലാകുന്നത്. എന്നാല്, ഇവര് എന്തിനാണ് എത്തിയതെന്നോ ഇവരുടെ ലക്ഷ്യമെന്തായിരുന്നെന്നോ വ്യക്തമല്ല. സംഭവത്തിന് പിന്നാലെ വിമാനത്താവളത്തില് സുരക്ഷ വര്ധിപ്പിച്ചതായി മാധ്യമങ്ങളുടെ റിപ്പോര്ട്ടുകളിലുണ്ട്.
English Summary:IS terrorists arrested at Ahmedabad airport; Arrested are Sri Lankan nationals
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.