ക്രിസ്മസ് ആഘോഷങ്ങളെ പോലും കടന്നാക്രമിക്കുകയാണെന്ന് മുഖ്യമന്ത്രി പിണറായി വിജയൻ. എല്ലാത്തിനും പിന്നിൽ സംഘ്പരിവാർ
ശക്തികളാണ്. ഉത്തർപ്രദേശ് സർക്കാർ ക്രിസ്മസ് അവധി തന്നെ റദ്ദാക്കി. ഇതിൽ നിന്ന് കേരളം വിട്ട് നിൽക്കും എന്നായിരുന്നു ബോധ്യം. ആ ബോധ്യം ഇല്ലാതാക്കുന്ന സംഭവങ്ങളുണ്ടായെന്നും മുഖ്യമന്ത്രി പറഞ്ഞു. സംസ്ഥാനത്തെ തപാല് ഓഫിസുകളിലെ ക്രിസ്മസ്, പുതുവത്സര ആഘോഷത്തില് ഗണഗീതം പാടണമെന്ന് ബിഎംഎസ് യൂണിയന് ആവശ്യപ്പെട്ടിരിക്കുകയാണ്. ഇതിനെതിരെ പ്രതിഷേധം വന്നതോടെ ജീവനക്കാര് നടത്താനിരുന്ന ആഘോഷം റദ്ദാക്കാന് ചീഫ് പോസ്റ്റ് മാസ്റ്റര് ജനറല് തീരുമാനിച്ചു.
പാലക്കാട് പുതുശേരിയില് കുട്ടികള് അടങ്ങുന്ന കരോള് സംഘത്തിനു നേരെ ആക്രമണമുണ്ടായി. ഇതിനെ മുതിര്ന്ന ബിജെപി നേതാക്കള് ന്യായീകരിച്ചുവെന്നും മുഖ്യമന്ത്രി പറഞ്ഞു. ഉത്തരേന്ത്യയിലും പാലക്കാട്ടും ക്രിസ്മസ് ആഘോഷങ്ങള്ക്ക് നേരെയുണ്ടായ അക്രമത്തിനെതിരെ കടുത്ത പ്രതിഷേധമാണുയരുന്നത് . മത പരിവര്ത്തനം ആരോപിച്ചാണ് ബിജെപി പ്രവര്ത്തകരും സംഘ്പരിവാര് സംഘടനകളും മധ്യപ്രദേശിലെ ജബൽ പൂരിൽ സംഘര്ഷമുണ്ടാക്കിയത്. കിഫ്ബിയുടെ ഗ്യാരന്റിയേ കേരളത്തിന്റെ വായ്പയായി കാണുന്നു. ഒരു വശത്ത് വികസനത്തെക്കുറിച്ച് സംസാരിക്കുമ്പോൾ മറുവശത്ത് കേരളം പോലുള്ള സംസ്ഥാനങ്ങളെ കേന്ദ്രം തകർക്കുന്നു. അർഹമായ വിഹിതം നിഷേധിക്കുകയാണ് കേന്ദ്രം. കേരളത്തെ കേന്ദ്രം വരിഞ്ഞു മുറുക്കുകയാണെന്നും മുഖ്യമന്ത്രി പറഞ്ഞു.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.