രാജ്യത്ത് ഒരാള്‍ക്ക് കൂടി കോവിഡ് ഉപവകഭേദമായ ജെഎന്‍. 1 സ്ഥിരീകരിച്ചു. ഇതോടെ ആകെ ജെഎന്‍.1 സ്ഥിരീകരിച്ചവരുടെ എണ്ണം 22 ആയി. 21 കേസുകള്‍ ഗോവയിലും ഒരെണ്ണം കേരളത്തിലുമാണ് റിപ്പോര്‍ട്ട് ചെയ്തിരിക്കുന്നത്. എന്നാല്‍ ഗോവയില്‍ കോവിഡ് ക്ലസ്റ്ററുകളില്ലെന്നും രോഗം സ്ഥിരീകരിച്ചവര്‍ ഗുരുതര ആരോഗ്യപ്രശ്നങ്ങളില്ലാതെ രോഗമുക്തി നേടിയെന്നുമാണ് റിപ്പോര്‍ട്ടുകള്‍ വ്യക്തമാക്കുന്നത്.
വരണ്ട ചുമ, പനിയില്ലാതെ തൊണ്ടവേദന തുടങ്ങിയവയാണ് ജെഎന്‍.1 ബാധിതരുടെ പൊതുവായ രോഗലക്ഷണങ്ങള്‍.
ജെഎന്‍.1 ആണോയെന്ന സംശയത്തെ തുടര്‍ന്ന് 62 സാമ്പിളുകളാണ് നവംബര്‍ മാസത്തില്‍ ഇന്‍സകോഗിന്റെ വ്യത്യസ്ത ലാബുകളിലായി പരിശോധനയ്ക്കെത്തിച്ചത്. ഡിസംബറില്‍ ഇതുവരെ 253 സാമ്പിളുകളും പരിശോധിച്ചു. ഇന്നലെ വരെയുള്ള കണക്കനുസരിച്ച് ഇതുവരെ 22 പേര്‍ക്ക് മാത്രമാണ് ജെഎന്‍.1 സ്ഥിരീകരിച്ചത്.
കേരളത്തിലെ 79കാരിക്കാണ് ഇന്ത്യയില്‍ ആദ്യമായി ജെഎന്‍.1 സ്ഥിരീകരിച്ചത്. ഈ മാസം എട്ടിനാണ് ഇത് കണ്ടെത്തിയത്. അപ്പോഴെക്കും അവര്‍ സുഖം പ്രാപിച്ചിരുന്നു. ഇതുവരെ രാജ്യത്ത് 640 പേര്‍ക്കാണ് കോവിഡ് സ്ഥിരീകരിച്ചത്. ഇതോടെ സജീവ കോവിഡ് രോഗികളുടെ എണ്ണം 2997 ആയി ഉയര്‍ന്നു.
English Summary: JN.1 for 22 people in the country: Cases reported in Kerala and Goa
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.