ജോഷിമഠിലെ സാഹചര്യങ്ങൾ ചർച്ച ചെയ്യുന്നതിന് സർവകക്ഷിയോഗം വിളിക്കണമെന്ന് സിപിഐ കേന്ദ്ര സെക്രട്ടേറിയറ്റ് ആവശ്യപ്പെട്ടു. കർണപ്രയാഗ്, ജോഷിമഠ് എന്നിവിടങ്ങളിൽ വീടുകൾക്കുൾപ്പെടെ കേടുപാടുകൾ സംഭവിച്ചുവെന്നത് ഉൽക്കണ്ഠാകുലമാണ്. കട്ടിയുള്ള പാറകളില്ലാത്തവയായതിനാൽ ദുർബലമായ പർവതങ്ങളും പരിസ്ഥിതിയുടെ സുസ്ഥിരതയും കണക്കിലെടുത്ത് ശ്രദ്ധാപൂർവം മാത്രമേ ഈ മേഖലയിലെ എല്ലാ വികസന പദ്ധതികളും ആസൂത്രണം ചെയ്യാൻ പാടുള്ളൂവെന്ന് സെക്രട്ടേറിയറ്റ് പ്രസ്താവനയിൽ പറഞ്ഞു.
മേഖലയിലെ പാരിസ്ഥിതിക ഉൽക്കണ്ഠകളും സുസ്ഥിരതയും പരിഗണിക്കാതെയാണ് ഇവിടെ കേന്ദ്ര — സംസ്ഥാന സർക്കാരുകൾ വികസനപദ്ധതികൾ ആവിഷ്കരിക്കുന്നത്. ഇത് തിരുത്തപ്പെടേണ്ടതും ജനങ്ങളെ വിശ്വാസത്തിലെടുക്കേണ്ടതുമാണ്. പാരിസ്ഥിതിക പരിഗണനകളില്ലാതെ നടത്തുന്ന വികസന പ്രവർത്തനങ്ങൾ ഏറ്റെടുക്കുമ്പോഴുള്ള പ്രശ്നങ്ങൾ സംബന്ധിച്ച മുന്നറിയിപ്പാണ് ജോഷിമഠെന്ന് സെക്രട്ടേറിയറ്റ് ചൂണ്ടിക്കാട്ടി.
English Summary: Joshimath: CPI should call an all-party meeting to discuss the situation
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.