മുന് കെപിസിസി പ്രസിഡന്റ് കൂടിയായ കെ മുരളീധരന്റെ ജമാഅത്തെ ഇസ്ലാമി പ്രസ്താവനക്ക് എതിരെ കോ ണ്ഗ്രസില് പ്രതിഷേധവുമായി നേതാക്കള്. 2016ലെ നിയമസഭാ തെരഞ്ഞെടുപ്പില് വട്ടിയൂര്ക്കാവില് തനിക്ക് ജമാഅത്തെ ഇസ്ലാമിയുടെ പിന്തുണ കിട്ടിയെന്ന പ്രസ്താവനക്ക് എതിരെയാണ് നേതാക്കള് രംഗത്തു വന്നിരിക്കുന്നത്.
ഈ വിഷയമുള്പ്പെടെയുള്ള അദ്ദേഹത്തിന്റെ പ്രസ്താവനകള് അനവസരത്തിലുള്ളതാണെന്നും നേതാക്കളുടെ ഇടയില് അഭിപ്രായം ശക്തമാണ്.അനാവശ്യ പ്രസ്താവനങ്ങളിലൂടെ മുരളീധരന് വിവാദം ഉണ്ടാക്കുകയാണെന്നും വിമര്ശനമുണ്ട്.പാലക്കാട് ഉപതിരഞ്ഞെടുപ്പില് സ്ഥാനാര്ത്ഥി നിര്ണയവുമായി ബന്ധപ്പെട്ട് മുരളീധരന് നടത്തിയ പ്രസ്താവനകളും അനാവശ്യമായിരുന്നുവെന്ന് നേതാക്കള് വിലയിരുത്തുന്നു.
തിരഞ്ഞെടുപ്പ് സമയത്ത് മാത്രം കെ മുരളീധരന് 14 വിവാദ പ്രസ്താവനകള് നടത്തി. കെ മുരളീധരന് സ്വയം നിയന്ത്രിക്കണമെന്നും നേതാക്കള് അഭിപ്രായപ്പെടുന്നു.2019 മുതല് ജമാഅത്തെയുടെ പിന്തുണ ദേശീയ അടിസ്ഥാനത്തില് കോണ്ഗ്രസിന് ലഭിക്കുന്നുണ്ടെന്നും മുരളീധരന് പറഞ്ഞിരുന്നു. ഇതാണ് ഇപ്പോള് കൂടുതല് വിവാദമായിരിക്കുന്നത്.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.