കളമശ്ശേരിയിലെ സ്ഫോടനത്തിന്റെ ക്രെഡിറ്റ് മറ്റാരെങ്കിലും ഏറ്റെടുക്കാതിരിക്കാനാണ് താൻ തെളിവുകൾ സൂക്ഷിച്ചതെന്ന് പ്രതി മാർട്ടിൻ ഡൊമിനിക് പൊലീസിനോട്. സംഭവം നടന്ന ഉടൻ തന്നെ സ്ഫോടനത്തിന്റെ ഉത്തരവാദിത്തം ഏറ്റെടുത്ത് മാർട്ടിൻ ഫെയ്സ്ബുക്കിൽ വീഡിയോ ഇട്ടിരുന്നു. തുടർന്ന് പൊലീസ് സ്റ്റേഷനിൽ കീഴടങ്ങി, തെളിവുകളെല്ലാം മാർട്ടിൻ പൊലീസിന് കൈമാറുകയും ചെയ്തു. ഈ സാഹചര്യത്തിലാണ് പൊലീസ് സ്ഫോടനത്തിന്റെ കാരണം ആരാഞ്ഞത്.
സ്ഫോടനത്തിന്റെ ക്രെഡിറ്റ് തനിക്ക് തന്നെ വേണമെന്നും മറ്റാരും അത് ഏറ്റെടുക്കാൻ പാടില്ലെന്നുമാണ് മാർട്ടിൻ പൊലീസിനോട് പറഞ്ഞത്. എല്ലാം താൻ ഒറ്റയ്ക്കാണ് ചെയ്തത്. ഏറെക്കാലമായി യഹോവ സാക്ഷികൾക്കെതിരെ മനസ്സിൽ വിരോധം സൂക്ഷിക്കുന്നുണ്ട്. അതുകൊണ്ടാണ് വിദേശത്ത് നിന്ന് മടങ്ങിയെത്തിയത്. കൃത്യമായ പ്ലാനോട് കൂടിയാണ് താൻ പദ്ധതി നടപ്പാക്കിയതെന്നും മാർട്ടിൻ പൊലീസിന് നൽകിയ മൊഴിയിൽ പറയുന്നു. മാർട്ടിൻ ഡൊമിനിക്കിനെ നവംബർ 15വരെ പൊലീസ് കസ്റ്റഡിയിൽ വിട്ടിരുന്നു.
English Summary:Kalamassery blast; The accused said that the evidence was kept so that the credit would not go to anyone else
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.